Áskerı qalashyqtardy damytý jáne áskerı qyzmetshilerdi qyzmettik baspanamen qamtamasyz etý qazaqstandyq áskerı qyzmetshilerdi áleýmettik turǵyda qoldaýdyń basymdyq baǵyttarynyń biri bolyp tabylady, dep habarlaıdy Qamshy.kz QazAqparat saıtyna sálteme jasap. 

2016 jyldyń 26 qazanynda 68665 áskerı bóliminiń áskerı qyzmetshilerine páterlerdiń kilti tabys etildi. Jańa 2 qabatty 24 páterli turǵyn úı áskerı qalashyqtardy damytý baǵdarlamasy sheńberinde jedel salynatyn úılerdiń jeke jobasy boıynsha turǵyzyldy.

Salynǵan úı turýǵa tolyǵymen daıyn. Páterler kiriktirilgen jıhazben jabdyqtalǵan, káriz júeısi salynǵan. Áskerı qyzmetshiler men olardyń otbasylary jaıly ómir súrýi úshin barlyq jaǵdaı jasalǵan.

Abattandyrylǵan aýmaqta oıyn, balalar alańqaıy men avtomobıl turaǵy qarastyrylǵan.

«Búgin biz úshin qýanyshty kún. Biz kópten kútken páterdiń kiltine ıe boldyq. Áleýmettik-turmystyq jaǵdaıymyz jyl saıyn jaqsaryp keledi. Bul Joǵarǵy Qolbasshymyz jáne Qorǵanys mınıstriniń eńbegi ekenin atap ótkim keledi. Áskerı qyzmetshilerimiz esh nársege alańdamaı qyzmetterin atqaratyn boldy. Sebebi, páterlerde barlyq jaǵdaı jasalǵan», - dep atap ótti 68665 áskerı bólimniń vzvod komandıri aǵa leıtenant Áset Ábilqasov.

«Qorǵanys mınıstrligi basshylyǵynyń qabyldap jatqan sharalarynyń arqasynda áskerı qyzmetshiler men olardyń otbasy músheleriniń kúnkóris deńgeıi men ál-aýqaty artyp keledi»,-delingen baspasóz málimetterinde.