Qarjy mınıstrliginde Eýropalyq Qaıta Qurý jáne Damý Bankinde (EQDB) Qazaqstan Respýblıkasy atynan Basqarýshy, Qarjy mınıstri B.T. Sultanovtyń EQDB birinshi vıse-prezıdenti Fıll Bennetpen kezdesýi ótti. Bul týraly "Qamshy" portaly Qarjy mınıstrliginiń aqparat qyzmetine silteme jasap habarlasty.
Kezdesý barysynda taraptar Qazaqstan men EQDB arasyndaǵy ózara is-qımyl serpinin talqylady, jaqyn aradaǵy 4 jylǵa yntymaqtastyq basymdyqtaryna qatysty pikir almasty, sondaı-aq 2017-2020 jyldarǵa arnalǵan Qazaqstan úshin Banktiń jańa strategıasyn daıyndaýdyń birqatar praktıkalyq máselelerin kóterdi.
Aldyńǵy strategıadaǵy sıaqty jeke sektordy damytýǵa qoldaý kórsetý Qazaqstandaǵy Bank qyzmetiniń basym baǵyttarynyń biri bolyp qalady. Qazaqstan Banktiń jeke sektoryn damytý boıynsha Banktiń kúsh-qarymyn joǵary baǵalaıtynyn
B. Sultanov atap ótti.
Taraptar sondaı-aq basymdy baǵyt retinde keń aýqymdy jekeshelendirýdi ótkizý jáne Astana qalasynda halyqaralyq qarjy ortalyǵyn qurý mátininde kapıtaldyń jergilikti naryqtaryn yntalandyrý boıynsha ózara is-qımyl máselelerin talqylady.
Sonymen qatar, B. Sultanov jasyl ekonomıka qaǵıdattaryn eskere otyryp, ınfraqurylymdyq jobalardy iske asyrýdyń mańyzdylyǵyn atap ótti.
Taraptar EQDB Dırektorlar Keńesi osy baǵdarlamalyq qujatty 2017 jylǵy 1-toqsanda qabyldaý maqsatynda strategıanyń tolyq mátini boıynsha jumysty jalǵastyrady.
2013 jylǵy jeltoqsanda qabyldanǵan EQDB-nyń Qazaqstan úshin aldyńǵy strategıasy 2016 jyly áreketin aıaqtaıtynyn esterińizge sala keteıik.
Óz kezeginde, EQDB ókilderi Qazaqstan Úkimetimen Banktiń oıdaǵydaı is-qımylyn jasaıtynyn atap ótti. Bul rette, olar
B. Sultanovqa áriptestikti keńeıtýdegi kórsetken kómegi úshin alǵysyn bildirdi.
Áriptestik týraly negizgi kelisimder sheńberinde jobalardy iske asyrý nátıjesinde sońǵy jyldary yntymaqtastyq údemeli damydy jáne praktıkalyq sıpat aldy.
Qazaqstan qazirgi ýaqytta Reseı, Túrkıa jáne Ortalyq Azıa arasynda qarjylandyrý boıynsha 2-shi oryn alady.
Áriptestik týraly negizgi kelisimder sheńberinde EQDB ınvestısıalyq jobalarynyń ındıkatıvtik qorjyny 3 965 mln. teńge AQSH dollaryn quraıdy, onyń ishinde EQDB úlesi 1 232 mln.AQSH dollaryn quraıdy.
Budan basqa Qazaqstan Respýblıkasy Qarjy mınıstrligi men Eýropa Qaıta Qurý jáne Damý Banki arasyndaǵy «Astana – Qaraǵandy – Balqash – Kúrti – Qapshaǵaı – Almaty» avtomobıl jolynyń «Ortalyq - Ońtústik» dálizin rekonstrýksıalaý» 2152-2214 km (Kúrti – Býrylbaıtal ýchaskesi)» jobasy boıynsha Kepilgerlik kelisimine qol qoıyldy.
Eýropa Qaıta Qurý jáne Damý Banki «QazAvtoJol» UK» AQ-ǵa osy Jobany qarjylandyrý úshin 86 mln.AQSH.doll. somasynda memlekettik kepildik boıynsha qaryz berip otyr.
Jobanyń maqsaty Astana qalasynan Almaty qalasyna deıin avtokólik quraldarynyń júrý ýaqytyn qysqartý, kóliktik qyzmet kórsetý sapasyn arttyrý, JKÝ-nyń deńgeıin qysqartý jáne qorshaǵan ortaǵa kóliktiń teris áserin azaıtý bolyp tabylady.
Qarajatty ákimshilendirýdi jáne ony paıdalanýdy Jobanyń ákimshisi – Qazaqstan Respýblıkasy Investısıalar jáne damý mınıstrligi júzege asyratyn bolady.
Jobany iske asyrý 2015-2019 jyldarǵa arnalǵan «Nurly jol» ınfraqurylymdyq damý memlekettik baǵdarlamasymen kózdelip otyr.
Eýropa Qaıta Qurý jáne Damý Banki Qazaqstan Respýblıkasynyń negizgi strategıalyq seriktesteriniń biri bolyp qalady jáne osy Kepilgerlik kelisimge qol qoıý taraptar arasyndaǵy joǵary senimdi rastaıdy jáne yntymaqtastyqtyń nyǵaıýynyń aıqyn dáleli bolyp tabylady.
