Biz baıaǵyda órtenetinbiz... Mahabbat otyna... Qazirgi jastardyń mahabbat oty «kıtaıskıı» me, tez tutanady da, tez óship qalady... Biz baıaǵyda qyzdardyń qoldaryn ustaýǵa uıalatynbyz... «Múmkin, qoly protez shyǵar?» dep oılaǵandyqtan emes... Qazir jastar bir-biriniń qolyn ustaǵany bylaı tursyn, jigiti qyzdyń baltyryn sıpalaıdy kóshede... Biz baıaǵyda qyzymyzdyń qyzyl shıe erninen súıip alsaq... Ia sibetti óshirip qoıyp... «Ólá-á-á, ne bop ketti ózi?» dep erteńine deıin eseńgirep júretinbiz... Ony aıtasyz, dostarymyzǵa jyr ǵyp aıtyp, syqylyqtap kúletinbiz... Qazir qyzdar saǵyz shaınap turyp súıise beredi... «Mahabbat shyrynyn» iship turǵandaı... Biz baıaǵyda kózderimizben uǵysatynbyz... Kóz—mahabbat dúrbisi... Men de bir qyzǵa ólerdeı ǵashyqpyn! Bir-birimizben tek kózben uǵysamyz... Kezdesýge jyl saıyn shyǵamyz! Meniń sol qyzben júrgenime otyz eki jyl bolypty! «Adnalúbpin» ǵoı! Otyz eki jyl bir birimizge «ǵashyqtyń tili— maqaý til» degendeı, kezdesemiz de, mólıip qaıtyp ketemiz. Uıat tirlikterge, jaman ádetterge barmaımyz... Qazir ǵoı, jastar tar tósekte kezdesedi de, qyz «eki etaj» bolyp qalǵanda, týylǵan nárestesin qoqysqa tastaı salady... Qatygezder... Uıattan jurdaılar... Keshe «sibidánıege» shyqqanymyzda qy¬zy¬ma aıttym, «endi kezdesýdi qoıalyq, mahabbattan» uıat dedim. Óıtkeni, men jaqynda elýge toldym, «qyzymnyń» jasy qyryq segizde... Alǵashqy mahabbat júrekti terbeıdi, biraq baqyt qusy bolyp kelmeıdi... Alǵashqy mahabbatyń uza-a-aq jyldarǵa sozylyp ketse, albasty mahabbatqa aınalyp ketedi eken! Ol kúıeýine, men áıelime kettim, hosh, hosh, «topyraǵyń torqa» bolsyn, albasty mahabbat!