Búgingi keshtiń basty básekesinde Qanat upaı sanymen jeńdi!
«Almaty Arena» sport saraıynda kúlli qazaq jurty kópten kútken boks keshi ótti. Lyqa tolǵan Arenada jankúıerler óte jaqsy belsendilik tanytty. Qanat Islamnyń qarsylasy ganalyq 25 jastaǵy boksshy Patrık Aloteı kásipqoı rıngte 36 kezdesý ótkizip, 34 kezdesýde jeńiske jetken, eki kezdesýde jeńilgen. Al Qanat Islam kásipqoı rıngte 21 kezdesý ótkizip, barlyǵynda jeńiske jetken. Ol 19 jekpe-jekti ýaqytynan buryn aıaqtaǵan.
Jyldyń eń mańyzdy sporttyq oqıǵasynda Qanattan bólek, tómendegi qazaq boksshylary sharshy alańǵa shyqty:
Juman Jumabekov Vladımır Ivanovti (Belarýs) 23-inshi sekýndta uryp jyqty.
Aıdar Sháribaev 6 raýnd bokstasyp, áriptesi Hýan Okýrany (Ispanıa) upaı sanymen utty.
Álı Ahmetov bolsa, Álı Mamedovti (Ázirbaıjan) 44-inshi sekýndta nokaýtqa jiberdi.
Aýyr salmaqtaǵy Rýslan Myrsataev - Nahý Azýmıdi (Gana) shyǵa sala sulatty.
Janqosh Turarov bolsa básekelesi Aısak Arıeni (Gana) 4 raýndta jaıratyp saldy.
Jánibek Álimhanuly Mılton Nýnespen (Kolýmbıa) ótken kásipqoı bokstaǵy alǵashqy jekpe-jegin aıqyn jeńispen aıaqtady.
Qanat Islam WBC (Álemdik boks keńesi) reıtıńisinde 5-orynda turaǵan bolatyn. Aloteıdi jeńgennen soń reıtıńte úzdik úshtikke enedi. Bul reıtıń Qanat Islamǵa kez kelgen ýaqytta álem chempıony ataǵyn talasýyna múmkindik beredi.
Qanattyń Kásipqoı Bokstaǵy jattyǵýyna belgili mesenat «ZHERSU» JSHS korporasıasy baqylaý keńesiniń tóraǵasy Baýyrjan Ospanov demeýshilik etip keledi. Sondaı-aq atalǵan boks básekesin ótkizýge Almaty ákimi Baýyrjan Baıbek, isker Keńes Raqyshev zor demeýshilik kórsetti.
«Qamshy» portaly barsha qazaqty jeńispen quttyqtaıdy! Alǵa, Qazaqstan!
