Almaty qalasyndaǵy "Almaty Arena" stadıonynda ótken boks básekesi túgeldeı qazaq boksshylarynyń jeńisimen aıaqtaldy. 

Keshtiń basty básekesi jerlesimiz Qanat pen ganalyq Patrık Aloteı arasyndaǵy báseke tolyqtaı 12 raýndqa sozyldy. Qanat Islam qarsylasyn aıqyn upaı sanymen jeńdi. Batyrdy sharshy alańǵa Almaty ákimi Baýyrjan Baıbektiń ózi shyǵyp quttyqtap: «Qanattyń jeńisi – Qazaqstannyń, Elbasynyń jeńisi», dep baǵalady.

Atalǵan keshte sondaı-aq, Juman Jumabekov Vladımır Ivanovti (Belarýs) 23-inshi sekýndta uryp jyqty.

Aıdar Sháribaev 6 raýnd bokstasyp, áriptesi  Hýan Okýrany (Ispanıa) upaı sanymen utty.

Álı Ahmetov bolsa,  Álı Mamedovti (Ázirbaıjan) 44-inshi sekýndta nokaýtqa jiberdi.

Aýyr salmaqtaǵy Rýslan Myrsataev - Nahý Azýmıdi (Gana) shyǵa sala sulatty.

Janqosh Turarov bolsa básekelesi Aısak Arıeni (Gana) 4 raýndta jaıratyp saldy.

Jánibek Álimhanuly Mılton Nýnespen (Kolýmbıa) ótken kásipqoı bokstaǵy alǵashqy jekpe-jegin aıqyn jeńispen aıaqtady.