Qazaqstanda ultshyldardy qýdalaýdyń naýqany bastalatyn túri bar. 
Buryndary demokratıalyq opozısıa qataryna jatatyndardy qýdalaıtyn, endi, mine, Táýelsizdik úshin kúreskisi keletinderge kirisken sıaqty. Aıtalyq, búgin Qasym Amanjoldy da UQK- ge shaqyrypty. 
    Ashyǵyn moıyndaıyqshy: táýelsizdik, memleketshildik, elimizdiń keleshegi degen nárse tek qana ultshyldarǵa kerek qazir. Osy qundylyqtardy tek qana ultshyldar qorǵap kele jatyr. Eýrazıalyq odaqqa qarsy shyqqan kim? Qazaqstannyń tutastyǵyn qorǵaý kerek degen máseleni kóterip júrgen kim? Reseı áskerı polıgondaryna qatysty máseleni kótergen kim? Ultshyldar! Ýkraına sabaǵy da sony kórsetip otyr. Qazir Ýkraınany qorǵap, memleket táýelsizdigi úshin kúresip júrgender "Batkovshına" ne "Ýdar" emes, dál sol ultshyldar! Jasaqtar daıyndap, Lýgansk pen Doneskti negizinen qorǵap jatqan da sol ultshyldar. Budan shyǵatyn qorytyndy: dál búgingi zamanda memleket táýelsizdigin tek qana ultshyldar qorǵaı alady. Ultshyldardan basqa senim artatyn kúsh joq.