Búgin Taldyqorǵan qalasynda «Jastar» saıabaǵynda Sosıalısik Eńbek Eri, eki márte Lenın ordeniniń kavaleri, Oktábr Revolúsıasy, Eńbek, Qyzyl Tý ordenderiniń ıegeri, «Parasat», «Qurmet» ordenderiniń ıegeri Almaty oblysynyń Qurmetti azamaty Zylıqa Tamshybaevanyń 80 jyldyǵyna oraı eske alý keshi ótti.
Sharanyń basynda Zylıqa Janbolatqyzynyń eńbek joly týraly fılm kórsetildi.
Munan soń Zylıqa apanyń eńbeksúıgishtik, erik-jiger, myqty minez jáne ómirlik aqyl-parasatyn kórsetetin teatrlandyrylǵan kórinisti oblystyq B. Rımova atyndaǵy drama teatr ártisteri usyndy.
Kópshilikti oblys ákiminiń orynbasary Baqtıar Ónerbaev quttyqtady:
- Memleket basshysy Nursultan Ábishuly Nazarbaev «Jalpyǵa ortaq Eńbek Qoǵamyna qaraı 20 qadam» atty baǵdarlamasynda eńbek adamyna erekshe kóńil bólý, qamqor bolý, jan-jaqty kómek kórsetý, tıisti jaǵdaı jasaý qajet ekenin atap ótken edi. Zylıha Tamshybaevanyń ómiri men eńbek joly jas urpaqqa jarqyn úlgi bolyp tarıhta máńgi qalady. Óskeleń urpaq onyń ónegeli jolyn jalǵastyrady dep senemiz. Zylıha apa – elimizdiń, Jetisýdyń maqtanyshy, eńbek maıdanyndaǵy ulaǵatty ustaz, - dedi B. Ónerbaev.
Sol sıaqty óz sózinde ákimniń orynbasary mereıtoı sheńberinde oblysta - Taldyqorǵan qalasynda, Kóksý jáne Kerbulaq aýdandarynda ótken synyp saǵattary, sporttyq týrnırler, ártúrli kórmeler, baıqaýlardy da atap ótti.
B. Ónerbaev aldaǵy ýaqytta aqyndar músháırasyn ótkizý, qalanyń bir kóshesine, aýyl mektebi men mádenıet úıine atyn berý, sol sıaqty kitap shyǵaryp, qyzylsha ósirýdi úıretetin mamandandyrylǵan ortalyq ashý josparlanyp otyrǵanyna da toqtaldy.
- Taǵy da osy mereıli datamen barshańyzdy quttyqtamyn. Sizderge zor densaýlyq, baqyt, beıbitshilik pen bereke tileımin! –dep sózin qorytyndylady B. Ónerbaev.
Munan keıin shara konsettik baǵdarlamamen jalǵasty.
Zylıha Tamshybaeva qant qyzylshasynan rekordtyq ónim alyp, qant qyzylshasy salasynyń damýyna zor úles qosty. Onyń úlgisi, eńbektegi erligi elimizdiń qyzylsha ósirýshi aımaǵy mártebesin belsendi túrde qaıtarýǵa qadam jasap jatqan Jetisý úshin asa mańyzdy.
Almaty oblysy ákimdiginiń resmı saıty
