Almatyda qandy qyrǵyn jasaǵan Rýslan Kúlikbaev ólim jazasyna kesildi. Osylaısha on adamnyń ómirin qıǵan qaraqshyǵa sońǵy on jylda bolmaǵan asa aýyr jaza berilip otyr. Alaıda úkimniń qashan oryndalatyny belgisiz. Óıtkeni elimizde ólim jazasynyń oryndalýyna moratorıı bar ekeni málim. Sondyqtan Kúlikbaev Qostanaı oblysyndaǵy erekshe rejımdegi «Qara búrkit» túrmesinde otyryp, úkimniń oryndalýyn kútedi. Al onyń bes sybaılasy ár túrli merzimge sottaldy.
Bul týraly Ktk arnasy habarlaıdy.
Rýslan Kúlikbaevqa qatysty sońǵy sot otyrysy bolǵasyn ba, búgin qaýipsizdik sharalary erekshe kúsheıtilgen. On adamdy atyp óltirgen lańkesti birneshe jaýynger kúzetip tur. Tipti sot zalyna muzdaı qarýlanǵan arnaıy jasaq sarbazdary da kirgizilipti. Óıtkeni qoǵam úshin asa qaýipti sanalatyn lańkes aıaýshylyq qasıetten ada ekenin kórsetti. Sot úkimi oqylǵanda da baıaǵy ádetine basyp, ornynan turǵan da joq. Sýdıa da kópke sozbaı, qanypezerdi atý jazasyna kesti.
Erlan Bolat, sýdıa:
-QK 58-shi babynyń 4-bóligin basshylyqqa alyp, Rýslan Kúlikbaevtyń jeke múlki tárkilenip, ólim jazasy taǵaıyndalsyn.
Alaıda asa aýyr jaza arqalaǵan Kúlikbaevtyń bul úkimge beti búlk etken joq. Sebebi jasaǵan qylmysyna esh ókingen emes. Tipti jábirlenýshiniń týystarynan keshirim suraýǵa da jaramady.
Zaǵıra Qyryqbaev, marqum A.Ázimjanovtyń týysy:
-Ońbaǵan eken. Báribir sıaqty oǵan. Atsyn. Qanshama adamnyń qanyn ishti. Sondaı mádenıetsiz adam.
Kúlikbaev jábirlenýshilerge qyrýar qarjy qaryz bolyp qaldy. Sýdıa ony bir aı ishinde 50 mıllıon teńgeden astam ótemaqy tóleýge mindettedi. Al qylmyskerdi ustaımyn dep qaza tapqan Aıan Ǵalıevti memlekettik nagradaǵa usyný týraly jeke qaýly shyǵarylǵan.
Anar Asanova, marqum A.Ǵalıevtiń jesiri:
-Toǵyz jerden jaralansa da Kúlikbaevty toqtata bildi. Eger ol toqtatpaǵanda qansha adamdy óltirer edi. Sol sebepti men artynan qalǵan balalaryna, basqa da jastarǵa úlgi bolsyn, qazirgi zamannyń batyry retinde erligi eskerilýi kerek dep oılaımyn.
Muzdaı qarýlarǵan qaskóı shildede Almatynyń tártip saqshylarynan aıaǵynan tik turǵyzǵan bolatyn. Tártip saqshylaryna kektengen lańkes 9 quzyrly organ qyzmetkeri men bir beıbit turǵyndy atyp óltirdi. Endi osy qandy qylmysy úshin jazasyn erekshe rejımdegi «Qara búrkit» túrmesinde óteýi tıis. Qostanaı oblysyndaǵy osy kolonıada atyshýly Vladıslav Chelah ta otyr. Al Kúlikbaev endi oǵan eshkimniń jazasyn jeńildetpeıtinin túsinse kerek, apelásıalyq shaǵym jazbaımyn dep advokatynyn sálem aıtyp jiberipti.
-Qandyqol qaraqshynyń búginnen bastap bostandyqqa shyǵýǵa degen úmiti tolyq úzildi. Sondyqtan ol elimizde ólim jazasynyń oryndalýyna jarıalanǵan moratorıı alynyp tastalǵansha qatań rejımdegi túzetý mekemeleriniń birinde óteıtin bolady. Aıta keteıik Rýslan Kúlikbaevqa qoldanylǵan eń aýyr jaza elimizde sońǵy ret osydan on jyl buryn qoldanylǵan eken.
Búgin sondaı-aq, sot Kúlikbaevtyń sybaılastaryna da úkim kesti. Toptasyp adam tonap, qaraqshylyq jasaǵan bes jigit 3 jyldan 10 jylǵa deıin bas bostandyqtarynan aıyryldy.
