Pavlodarda qyzyn uryp-soqqan Nurgúl Dokýovaǵa qatysty is ákimshilik sotqa jiberildi. Búldirshindi aıaýsyz tómpeshtep, vıdeoǵa túsirgen qatygez kelinshek endi analyq quqyǵynan aıyrylýy múmkin. Al sot sheshimine deıin ákesiniń tárbıesine berilgen Aılınniń ózi búgin sumdyq oqıǵadan keıin alǵash ret balabaqshaǵa bardy.

Bul týraly Ktk arnasy habarlaıdy. 

Nurgúl Dokýovany ata-ana quqyǵynan aıyrý týraly azamattyq talap-aryzdy qalalyq bilim bólimi túsirgen. Bul istiń núktesi qarashanyń 15-i kúni qoıylmaq. Al «Balaǵa qatygezdik kórsetý» baby boıynsha qozǵalǵan qylmystyq ispen polısıa aınalysýda. Kelinshektiń aqyl-esiniń durystyǵyn anyqtaıtyn saraptamalar taǵaıyndalǵan. Esterińizge salsaq, burynǵy kúıeýinen ósh alý maqsatymen 3 jasar qyzyn uryp jylatyp, onysyn vıdeoǵa túsirgen kelinshektiń áreketi qoǵamda qyzý talqyǵa túsken bolatyn.

Erjan Qasymov, Aılınniń aǵasy:

– Eshqandaı da kelisim bolmaıdy. Biz úshin bastysy – balanyń qaýipsizdigi. Aılınniń anasy búginge deıin bir ret te kelgen joq, habarlaspady da. Sot ony analyq quqyǵynan aıyrmaǵan jaǵdaıda, apelásıalyq sotqa shaǵym jazamyz. Balany óz qamqorlyǵymyzǵa alǵymyz keledi.