Zańger Abzal Quspan áleýmettik jelide Halyq ártisi Tuńǵyshbaı Jamanqulovtyń qarjy jymqyrdy degen kúdikpen ustalýyna oraı pikirin bildirip, istiń arty qıyn bolatynyn aıtypty, - dep habarlaıdy Qamshy.kz.

«Tuńǵyshbaı Jamanqulov aǵamyzdyń ustalýyna baılanysty ne aıtýǵa bolady? Qazirgi bıliktiń urany (álde ustanymy) «Bardym. Ustadym. Sottadym» bolyp tur. Sondyqtan men zańger retinde Tuńǵyshbaı aǵamyzdyń sottalatynyna tolyq senimdimin. Másele onyń kinásiniń bolý, bolmaýynda emes, másele memleket ustanymynda. Ol úshin memlekettiń «Damoklav qylyshy» - Qojamjarov basqaratyn agenttik (álde mınıstrlik) bar. Ol mekememen qozǵalǵan ister boıynsha mindetti túrde aıyptaý úkimi shyǵarylady. Másele tergeýdiń sapasy artyp ketkeninde emes, másele memlekettiń ustanymynda.

Aǵamyz úshin qutylýdyń jalǵyz-aq joly bar, ol - qylmysyn tolyq moıyndap, bir adamnan keshirim surap, materıaldyq zalaldy (urlasa da/urlamasa da) múmkindiginshe tóleý. Qutylýdyń basqa joly joq. Al, shýlap jatqan jurtqa aıtarym, osylaı shýlap-shýlap basylamyz, birinshi ret el jaqsylary sottalyp jatqan joq, birinshi ret shýlap jatqan joqpyz...» dep jazady Abzal Quspan.