Almatyda startap-jobalar júzege asatyn bıznes-ınkýbator ashyldy

«Turan» ýnıversıtetiniń sońǵy ýaqytta ınovasıalyq-kásipkerlik baǵytqa bet burǵanyn aıta ketý kerek. Bul  Prezı­dentimiz N.Nazarbaevtyń «100 naqty qadam. Barshaǵa ortaq damyǵan memleket» baǵdarla­masyna saı keledi. Ýnıversıtet ujymy «Ortaq eńbek qoǵamy» ıdeıasyn júzege asyrý ulttyq jobasynyń belsendi qatysýshysy bolyp otyr.

Búgingi tańda Elbasy tapsyrmasyna oraı eldiń ındýstrıaldy-ınnovasıalyq damý baǵdarlamasy aıasynda jastardyń jańashyl, startap-jobalaryna qoldaý kórsetý jan-jaqty qolǵa alynǵan. Osy baǵytta eldiń bank-qarjy sektory, «Damý» qory shaǵyn jáne orta bıznesti nesıeleýdi jolǵa qoıǵan.

Almaty qalasynyń ákimdigi de 7 basym baǵytqa negizdelgen «Almaty-2020» baǵdarlamasyna saı shahardyń damýyna úles qosatyn bıznes-ıdeıalardy túrli konkýrstar, báıgeler arqyly qoldaýda. Almaty qalalyq Kásipkerlik jáne ındýstrıaldy-ınnovasıalyq damý basqarmasy osy baǵytta biraz jumystar jasap otyr. Jýyrda Almatyda startap-jobalardyń júzege asýyna arnalǵan bıznes-ınkýbator ashylyp, onda jastardyń jańashyl ıdeıa-jobalarynyń ómirsheń bolýyna múmkindik týyp otyr.

«Turan» ýnıversıtetiniń 7 startap-jobasy jańa bıznes-ınkýbatorda júzege asý múmkin­digine ıe boldy. Olar – 500-den astam stýdent qatysqan konkýrs­tyń jeńimpaz jobalary. Endi bul startap-jobalardyń júzege asýyna tolyqtaı jabdyqtalǵan oryndar berilip, starttyq kapı­tal bólinedi. Endi jańa bıznes-ınkýbatorda medıa-lıngvıstıka máselelerine arnalǵan «Turan-lingua» zerthanasy, 3 D forma­tyndaǵy vıdeoónim shyǵaratyn «Silence digital Turan» ortalyǵy, «Turan Consulting» zańgerlik klınıkasy, «Turan Prohostel» stýdentterge arnalǵan hostel (qonaq úı) jumys isteıtin bo­lady. «Turon Spro» sýblıma­sıalyq ónimder óndirisi, «Turan Nomads» týrısik fırmasy jáne «Action» oıyn rejıssýrasy sheberhanasy da óz jumystaryn jańa bıznes-ınkýbatorda bastaı­dy.

– Bizdiń jobamyz áleýmettik álsiz toptaǵy turǵyndarǵa, bız­nesti endi bastaǵan kásipkerlerge zańgerlik qyzmet kórsetýge arnalǵan. Biz qazir 12 joba boıynsha jumys istep jatyrmyz, oǵan kelisim-shart jobalary, zańdyq sheshimder kiredi. Budan ózge, klıentterdi azamattyq ister boıynsha sotqa deıin tolyqtaı aparatyn zańgerlik qyzmetpen aınalysqymyz keledi, – deıdi 3-kýrs stýdenti, zańgerlik klını­kanyń keńesshisi Álibek Qanıev.

«Turan» ýnıversıtetiniń sońǵy ýaqytta ınovasıalyq-kásipkerlik baǵytqa bet burǵanyn aıta ketý kerek. Bul QR Prezı­denti N.Nazarbaevtyń «100 naqty qadam. Barshaǵa ortaq damyǵan memleket» baǵdarla­masyna saı keledi. Ýnıversıtet ujymy «Ortaq eńbek qoǵamy» ıdeıasyn júzege asyrý ulttyq jobasynyń belsendi qatysýshysy bolyp otyr. Joba «100 naqty qadam» baǵdarlamasynyń 88-qadamynda jazylǵandaı, «Nurly jol» ınfraqurylymdyq damý baǵdar­lamasy josparyn júzege asyrý jobasyna sáıkes, ındýs­trıalan­dyrýdyń ekinshi bes­jyldyǵynda, qazaqstan­dyqtar­dyń jekelegen jeńisteriniń (eńbek, kásipkerlik, ǵylym-bilim, basqa da kásibı salalardaǵy) tarıhy negizinde júzege asýda.

Qazaqstannyń kásipkerlik, ǵylymı-ınnovasıalyq ortalyǵy Almatyda ashylǵan bıznes-ınkýbatorda jastardyń jańa­shyl startap-jobalarynyń júze­ge asýyna jol ashylyp otyr.

 Nurlan SÚIİN

«Almaty aqshamy» gazeti