Sársenbi kúni Sybaılas jemqorlyqqa qarsy is-qımyl jónindegi Ulttyq búro ustaǵan «Fenıks» fılminiń prodúseri Tuńǵyshbaı Jamanqulov fılmdi túsirýge bólingen búdjet qarjysyn jymqyrǵanyn tolyǵymen moıyndap, isine ókinetinin jáne keltirilgen shyǵyndy óteıtinin jetkizdi, - dep jazady Baq.kz.

Sybaılas jemqorlyqqa qarsy is-qımyl ulttyq búrosy baspasóz qyzmetiniń málimetinshe, Jamanqulov qarjyny qolma-qol aqshaǵa aınaldyryp, urlanǵan búdjet qarjysyn jeke basyna jumsaǵanyn rastady.

Sondaı-aq T.Jamanqulov ózine kepil túrinde bultartpaý sharasyn tańdaýdy jáne QR QK 65-babyna sáıkes, kinásin moıyndaýyna baılanysty qylmystyq jaýapkershilikten bosatýdy ótindi.

3 qarasha kúni T.Jamanqulov shyǵyndy jarym-jartylaı ótedi. Sol sebepti onyń jasy, ataq-abyroıy men kepil múlikti engizgeni eskerilip, oǵan qatysty «kepil» túrinde bultartpaý sharasy tańdaldy.

Qylmystyq jaýapkershilikten bosatý týraly qoldaýhat T.Jamanqulov, N.Iýdına jáne G.Ysqaqova keltirgen shyǵyn tolyq ótelgennen keıin qaralady.