UBT týraly az aıtylyp júrgen joq, ótkizý prosesine túzetýler de engizilip, baıqaý-baqylaý jumystarynyń ádis-tásilderi de jetildirilip te jatyr, biraq báribir ony mektep bitirýshiniń bilim sapasyn barynsha ádiletti baǵalaı alatyn synaq dep eshkim de aıta almas. Parlament Májilisiniń plenarlyq otyrysynda depýtat Tursynbek Ómirzaqov ta ony jetildirý jolynda kezekti usynys jarıalady. Bul usynys Premer-Mınıstr Kárim Másimovtyń atyna depýtattyq saýal retinde joldandy, sondyqtan ony jerde qalmaı, qaralatyny sózsiz. Sonymen bul usynysta ne aıtyldy deısiz ǵoı.
Birinshiden, appelásıa týraly. Qazirgi qoldanystaǵy zańdastyrylǵan tártipke qaraǵanda appelásıa UBT-nyń qorytyndysy jarıalanǵan ýaqyttan keıingi kelesi kúnniń 14.00 saǵatyna deıin beriledi. Depýtat T.Ómirzaqov osy merzimdi kem degende eki kúnge uzartýdy durys dep sanaıdy. Óıtkeni, osy ýaqytta ǵana mektep bitirýshi men onyń ata-anasy nátıjeni asyqpaı saralaýǵa úlgere alady. Al appelásıany ekinshi kúngi 14.00-ge deıin ǵana berýdiń ýaqyty tym az, jarty kúnde bárin salmaqtap shyǵý múmkin emes. Álemniń kóptegen elderinde, sonyń ishinde Reseıde de appelásıa berý merzimi bizdikinen áldeqaıda kóp. Osy tájirıbeni depýtat durys dep sanaıdy.
Depýtattyń usynysyndaǵy ekinshi másele testterdiń mazmunyn arttyrýdy qalaý bolyp otyr. Osy kúngi tester suraq-jaýap túrinde ǵana bolyp jáne jaýaptardyń nusqalary berilgendikten test tapsyrýshy olardy tańdaýmen ǵana shekteletinin aıta otyryp depýtat talapkerdiń logıkalyq qabiletin tekseretin suraqtardyń da qoıylýy qajettigin aıtady. Sonda úmitkerdiń biliminiń tereńdigi anyqtalar edi, al qazirgi tester ony kórsete almaıdy. Sondyqtan halyqaralyq tájirıbelerdi (Ulybrıtanıa, AQSH jáne t.b.) eskere otyryp, jańa tıptegi testik tapsyrmalar ázirlensin, deıdi ol. Sonyń ishinde jaýap nusqalary jazylmaǵan ashyq suraqtardyń bolǵany abzal. Sonda mektep bitirýshi qaısysyn alsam eken dep daıyn nusqalardy tańdaýmen ǵana otyrmaı óziniń anyq bilimin kórseter edi. Sonymen birge depýtat Ulybrıtanıalyq A-LEVEL testi boıynsha úmitker árbir pándi jeke-jeke tapsyratynyn eskertedi. Qala berdi ol UBT tapsyrýdyń barynsha móldir ári ádiletti bolýy úshin resmı saıt ashyp, onda barlyq nátıjeler kórsetilip otyrǵanyn qalaıdy. Al endi UBT tapsyrý prosesine táýelsiz volonterlerdi jáne aımaqtardaǵy bedeldi qoǵam qaıratkerlerin baqylaýshy retinde tartý týraly oılary qazaqstandyq kórpege laıyq emes sıaqty. Óıtkeni, ol úshin qosymsha qarajat kerek qoı. Al ondaıǵa bizdiń ókimet ólse barar ma? Al qozǵaltqyshy baqylaýshylar otyrǵan jerde bolatyn onlaın rejımindegi vıdeokameralar ornatý kerek degen usynysy oıdan shyǵady. Depýtattyń osyndaı oryndy usynystary oryndalsa, UBT-nyń bilim sapasyn anyqtaýdaǵy qyzmeti árıne, ádilettirek bolar edi.
Boranbaı BALǴOJA , sarapshy
