Keshe Astanada Báıterek kesheni mańyna Eýrazıa ekonomıkalyq odaǵynyń qurylýyna qarsylyqtaryn bildirip barǵan ondaǵan belsendini polısıa ustap áketti. Belsendiniń sózinshe, polısıa ustalǵandardyń fotoaparattary men beınekameralaryn tartyp alǵan.
Osyǵan baılanysty, "Antıgeptıl" qozǵalysynyń múshesi Maqsat Nurypbaevpen pikir almasqan edik.
- "Antıgeptıl" uıymnyń múshelerin ne úshin aıyptalyp otyr? - "Antıgeptıl" uıymynyń on shaqty múshesi odaqtyń qurylýyna qarsylyq bildirip, betterine maska taǵyp Báıterektiń janyna barǵan kezde polısıa ustap áketken. Ol polısıa ózderin Esil aýdandyq ishki ister basqarmasyna apardy. Búgin ekinshi kún. Olarmen habarlasa almaı otyrmyz. Ruqsat joq sebebi. Olarmen shyqqanǵa deıin habarlasa almaımyz. Men keshe 8 saǵat Esil aýdandyq ishki ister bóliminde otyrdym. On jigitimiz áli qamaýda otyr. On jigitimizdiń bireýi erteń shyǵady, qalǵany arǵy kúni.
- Olarǵa qandaı aıyp taǵylǵan aıyp taǵyldy?
- Aıyp taǵyp, qamap qoıǵan joq pa? QR Ákimshilik kodeksitiniń 330 babynyń birinshi barmaǵy boıynsha 1adam 3 kúnge, 9 adam 4 kúnge qamaldy ǵoı. 3 kúnge qamalǵany erteń shyǵady.
- Zańger retinde ustalǵandarǵa taǵylǵan aıyp qanshalyqty ádil dep oılaısyz?
- Astana qalasynyń prokýrorlary ózderi zań normalaryn buzdy. Negizinde adamdy qylmysy bolmasa 3 saǵattan artyq ustamaýy tıis. Al astanalyqtardyń basym bóligi 4saǵat, al men 8 saǵat otyrdym. Nege úsh saǵattan soń jibermeısińder desem, siz prokýrordyń eki eskertýin oryndamaı alańǵa shyqtyńyz. Qazir jibersek, Báıterekke taǵy baryp alasyz ǵoı deıdi.
- Qazaqstan boıynsha tek Astanadan basqa qaı jerlerde ótti?
- Almatyda ondaǵan adam ustaldy. Astanada júzge jýyq beıbit turǵyn jınaldy.
Suhbatyńyzǵa raqmet!
