Meniń zamandastarym qandaı mamandyq tańdap jatyr, olar óz bolashaqtaryn qandaı mamandyqpen baılanystyratyndary qazirgi kezde ózekti. Sol sebepti men zamandastarym men qurdastaryma «Qandaı mamandyq tańdadyńyz?» degen suraq tóńireginde saýalnama júrgizgen bolatynmyn. Saýalnama qorytyndysyn nazarlaryńyzǵa usynyp otyrmyn:
Maǵjan Sembaev – 11 synyp oqýshysy.Atyraý oblysy Qyzylqoǵa aýdany Kenbaı orta mektebiniń oqýshysy:
- Balalyq shaqtan armanym dáriger bolý edi.Mine, Alla qalasa, osy armanyma jetkim keledi. Ata-anam da aq halatty abzal jandar bolǵandyqtan meniń osy mamandyqty tańdaýyma olar da qarsy bolmady. Qazirgi kezde medısınaǵa kóp kóńil bólinýde. Aýyldyq jerde mamandar tapshy bolyp keledi. Mine, osy jaǵdaıdy bile otyryp, men sapaly bilim alyp, bolashaqta bilikti maman bolyp, aýylyma kelip mamandyǵym boıynsha jumys istep, elime paıdamdy tıgizgim keledi.Árıne, ol úshin úlken synaq UBT-den joǵary bal alýym qajet.Tek bárin UBT sheshetin boldy ǵoı qazir...
Jańyltaı Jeksenbaeva, 11 synyp oqýshysy:
- Mektep bitirýshi túlekter úshin mamandyq tańdaý – mańyzdy ári jaýapty is .Oqýshyny aınalasyndaǵy qyr-syry kóp mamandyqtardyń barlyǵy da qyzyqtyrady.Biraq, árbir adamnyń belgili bir mamandyq túrine bala kezden beıimi men qyzyǵýshylyǵy bolýy kerek. Sol sıaqty meniń de bala kezimnen arman etken mamandyǵym – telejúrgizýshilik.Bul mamandyqty tańdaýda ata-anammen jáne ustazdarymmen kóp aqyldastym.Meni bul mamandyq salasy óte qatty qyzyqtyrady.Barsha jurtqa jaǵymdy jańalyq taratyp, búkil jurtpen dıdarlasý – meniń úlken armanym. Men ózime úlgi retinde jańalyqtar júrgizýshisi Gúlnaz Álimgereı, Meıirjan Álibekuly, Aızada Jaqsylyq, sonymen birge «Áýesbaıdyń Qanaty» degen ózindik stıli bar Qanat Áýesbaı, Qymbat Dosjan aǵa-ápkelerimdi aıta alamyn.Tańdaǵan mamandyǵyma kez kelgen jerden qyzmet etý múmkin emes, soǵan qaramastan men bul mamandyqty tańdaýdaǵy sheshimimdi ózgertkem joq.Sebebi ár adam ózi súıgen mamandyqty tańdaýdan bas tartpaýy tıis dep bilemin jáne sol mamandyqqa jetý jolynda aldyna úlken maqsat qoıa bilip, eńbek etip ter tógýi tıis.
Elaman Jaılybaı,11 synyp oqýshysy:
- Mamandyq tańdaý árbir azamat pen azamatsha úshin asa qajetti bolyp tabylady.Meniń tańdap otyrǵan mamandyǵym - áskerı órt sóndirý qyzmetiniń mamany.Bul mamandyqqa tańdaý páni – fızıkany tańdadym. Fızıka men úshin qıyn bolsa da ,armanyma jetý úshin aıanbaı oqyp, UBT-den joǵary bal jınap, elimizdegi Kókshetaý áskerı ýchılıshesine túskim keledi.Ózim qatań tártipti, jaýapkershilikti unatamyn.Áskerı adam boıynda qataldyq, jaýapkershilikti bolý basty qasıetterdiń biri dep bilemin. Barlyq UBT tapsyrýshy talapkerlerge sáttilik tileımin!!!
Maıra Janádilova, 11 synyp oqýshysy:
- Mamandyq tańdaý mektep qabyrǵasynan bastalady.Búgingi tańda mektep bitirýshi túlekter úshin mamandyq tańdaý – jaýapty is.Jalpy mamandyq – bilimdilik pen biliktilikti qajet etedi.Ómirden óz ornyn taýyp , elimizge qajetti maman ıesi bolý bárimizdiń armanymyz.Meniń tańdaý pánim – qazaq ádebıeti.Qazaq ádebıeti páni muǵalim bolǵym keledi.Meniń oıymsha, pedagogıkalyq mamandyqtar eshqashan da jumyssyz qaldyrmaıdy.Muǵalim qashan da kerek mamandyq.Onyń ústine keleshegi de jaqsy,qazirgi tańda bala sanynyń kóbeıýine baılanysty kóptegen jańa mektepter salynyp, muǵalimder jetispeı jatyr.Mamandyq tańdaýdyń erejesin túsinbeı, ońaı oljaǵa qol jetkizýdi oılap túlekter ózderi qyzyqpaıtyn, bolashaǵy qaltaly degen mamandyqtardy tańdap jatady.Áıtse de naq osy mamandyqtar boıynsha oqý bitirip, qanaǵattanbaı, renish sezimderi týyp jatady.Sonyń saldarynan bolashaǵyna jospar qurǵysy kelmeı, ártúrli qurylystarda, kólik jýý oryndarynda júregnderi qanshama.Sondyqtan talapkerler mamandyq tańdaý barysynda aldyna maqsat qoıyp, ata-anasymen aqyldasqany jón.Sebebi, qandaı ata-ana bolsa da qanattyǵa qaqtyrmaı , tumsyqtyǵa shoqtyrmaı ósirgen balasymen maqtanyp, belgili bir maman ıesi bolǵanyn qalaıdy.Alǵa umtylyp, armanyma jetip, belgili bir maman ıesi bolyp , ata-anamnyń úmitin aqtaımyn degen senimdemin.
Farıza Jambyl, M.H.Dýlatı atyndaǵy orta mekteptiń 11-synyp oqýshysy.Ońtústik Qazaqstan oblysy Ordabasy aýdany Yqylastemir aýyly
- Men UBT-de besinshi pán retinde ózim qalaǵan hımıa pánin tańdadym. Óıtkeni men bala kezimde muǵalim bolýdy armandaıtynmyn.Keıin kele 8-synypqa aıaq basqanymyzda hımıa pánin oqı bastadyq.Hımıa páni meni birden ózine baýrap aldy.Sodan beri súıip oqımyn.Negizinen anam dáriger bolýdy qalady.Óıtkeni «qyz balaǵa dáriger mamandyǵy yńǵaıly mamandyq ári kez kelgen jerde suranysqa ıe mamandyq» ekenin aıtty. Alaıda men qalaǵan mamandyq bolmaǵandyqtan ,ózim qalaýym boıynsha osy hımıany tańdap, bolashaqta ınjener-hımık bolǵym keletinin aıttym.Ata-anam da qazir túsinip, maǵan «aq jol» tilep, «Altyn belgi» qorǵaýyma sáttilik tilep otyr.Barlyq abıtýrentterge joǵary bal jınaýlaryna tilektespin!Ózderińiz qalaǵan mamandyqtaryńyzdy tańdańyzdar!
Sonymen, zamandastarymnyń da pikirin estidim. Bir ókináshtisi jalpy mektep bitirýshi 11 synyp oqýshylarynyń ishinde ul balalar az bolady. Barlyq mektepterde de osy jaǵdaı. Nelikten? Sonda ul balalar «kolej» bitirse jaraıdy, qyzdar oqysyn degenimiz be ?...Álde «qulasań nardan qula» degen esti qazaqtyń maqalyn esten shyǵaryp, «qulasa qyz qulasyn» degenimiz be?...
Taǵy bir jaıt, mamandyqtaryn keıbiri óz qalaýymen, arman retinde tańdasa, biri ata-anam osyny qalaıdy, negizgi mamandyǵym bul emes edi, deıdi, endi biri tańdaý pánim ońaı, soǵan baılanysty bir mamandyqty alyp shyqsam eken, áıtpese fızıka, hımıa degen pánderge tisim ótpeıdi deıdi..., al endigi bireýleri mamandyǵymdy áli tańdaǵam joq, áli sheshe qoımadym, UBT synaǵy ústinde qaı pán ońaı jaǵynan keledi, sony tańdarmyn dedi...Ókinishti-aq , árıne...
Zamandastaryma qarap otyrsam, biri tańdaý pánin İ toqsan aıaǵynda mamandyǵyna baılanysty aýystyryp jatsa, endi biri osy tańdaǵan mamandyǵyna qandaı pán tańdaıtynyn da bilmepti. Bárin de arman bireý - UBT-den joǵary bal jınap, ata-analaryna salmaq salmaı grant utyp, joǵarǵy oqý ornynda oqý. Armandaryńyzǵa jetińizder! Biz – elimizdiń erteńgi bolashaǵymyz. Sondyqtan aıanbaı ter tógip, oqyp, elge paıdamyzdy tıgizeıik!
Aızada Jaıyqqyzy
Sýret "Masaget" saıtynan
