Shyǵys Qazaqstan oblysyna jasalǵan sapar barysynda anyqtalǵan taǵy bir máselemen bóliskim kelip otyr.
SHQO Óskemen qalasynda 2014 jyldyń 05 mamyrynda «long Hin» (Lýn Sın) mejdýnarodnaıa torgovaıa kompanıa po Vostochno-Kazahstanskoı oblastı" atty jańa jaýapkershiligi seriktestigi jergilikti Ádilet basqarmasynda tirkelip, zańdy tulǵa quziretine ıe bolady. Seriktestik basshysynyń aty-jóni Sýn Lıszún.
SHQO Besqaraǵaı aýdandyq ádilet basqarmasynyń 10.11.2016 jyly bergen anyqtamasyna sáıkes «long Hin» seriktestiginiń eki quryltaıshysy bar eken. Onyń biri OOO "Altaı Sınszı mejdýnarodnaıa torgovaıa kompanıa" seriktestiktiń 50% úlesi bar, al ekinshisi OOO "Ilýn podsolnechnık kompanıa v gorode Daan" seriktestikte 50% úleske ıe. Bul zańdy tulǵalardyń atynan-aq eki quryltaıshynyń da Qytaı elinde tirkelgenin ańǵarýǵa bolady. Bir sózben aıtqanda «long Hin» seriktestigi Qytaı eliniń Qazaqstanda tirkelgen zańdy tulǵasy dep túsingen durys.
Osy Qytaı eliniń Qazaqstanda tirkelgen zańdy tulǵasy 09 qazan 2015 jyly SHQO Besqaraǵaı aýdanynyń jarıalaǵan aýylsharýashylyq jerlerin jalǵa berý jónindegi konkýrsyna qatysyp, 4 lot boıynsha 14754 gektar jerdi jalǵa alady.
Bul jerdegi aıtpaǵym, Qytaı kompanıalary tarapynan Qazaqstan zańdaryn buzýshylyq joq. Tek Qazaqstannyń zańdary, onyń ishinde QR Jer kodeksi, QR«Zańdy tulǵalardy memlekettik tirkeý jáne fılıaldar men ókildikterdi eseptik tirkeý týraly», QR «Jaýapkershiligi shekteýli jáne qosymsha jaýapkershiligi bar seriktestikter týraly» zańdaryna sáıkes sheteldik jeke nemese zańdy tulǵalar esh kedergisiz Qazaqstanda jańa zańdy tulǵa qurady da, jerdi qalaýynsha jalǵa da alady, satyp ta alady.
Bul memlekettiń qaýipsizdigine, jerdiń tutastyǵyna, túbinde el táýelsizdigine qaýip tóndirýi múmkin.
Sondyqtan, biz birneshe oblystardy aralaı júrip, qoldanystaǵy zańdarǵa da taldaý, saraptaý jasap, onyń olqy jerlerin de anyqtap jatyrmyz.
Aldaǵy ýaqytta QR Bas prokýratýrasy, Ádilet mınıstrligi, Aýyl sharýashylyq mınıstrligi, Parlament qoǵam belsendilerimen, «Alash joly» qozǵalysymen birlese otyryp, kóptegen zańdarǵa ózgerister men tolyqtyrýlar engizý arqyly júzdegen, myńdaǵan gektar qazaq jeriniń sheteldikterdiń qolynda ketýine tosqaýyl qoıýǵa tıispiz.
Osyndaı túrli zańdardyń olqylyqtaryn (bálkim ádeıi jasalǵan da bolar) paıdalanyp aýylsharýashylyq jerlerine ıe bolǵan sheteldik jeke nemese zańdy tulǵalardyń qatysýymen qurylǵan seriktestikter men qoǵamdardy anyqtap, olardyń qolyndaǵy jerdi memleketke qaıtarý jumystaryn júrgizýge tıispiz. Oǵan búkil halyq bolyp jumylýy kerek. Sonda naqty nátıje bolady, jerimizdi saqtap qalamyz.
Aıdyn Egeýbaev «Alash joly» qozǵalysynyń múshesi
