Qyrǵyzstanda qasqyr úıge basa kókteı kirip, balaǵa shabýyldaǵan, dep habarlady QazAqparat.
«Keshe, 10 qarashada, saǵat 20.00-der shamasynda qutqarýshylar mılısıaǵa Naryn oblysy Kochkor aýdany Aq-Jar aýylyndaǵy úılerdiń birine qasqyr kirip ketip, 2005 jyly týǵan tórtinshi synyp oqýshysyn qaýyp alǵany týraly qońyraý shalǵan», - delingen habarlamada. Balanyń ákesi qasqyrdy dereý atyp úlgergen. Oqıǵa ornyna veterınarıalyq jáne fıtosanıtarlyq qyzmetiniń mamandary kelip qasqyrdy zerttedi. Saraptama nátıjesi ázirge daıyn emes. Ul bala aýdandyq aýrýhananyń hırýrgıalyq bóliminde jatyr.
