Qazaqstan Respýblıkasy Parlamenti Májilisiniń Ekonomıkalyq reforma jáne óńirlik damý komıtetiniń tóraǵasy Seıitsultan Áıimbetovtyń jetekshiliginde Qazaqstan Respýblıkasy zańdarynyń iske asyrylýymen tanysý maqsatynda Qyzylorda oblysynda Komıtettiń kóshpeli otyrysy ótti.
Besinshi saılanǵan Qazaqstan Respýblıkasy Parlamenti Májilisiniń ókilettikterin iske asyrýdyń úshinshi sesıaǵa arnalǵan negizgi is-sharalar josparyna sáıkes Qyzylorda oblysynda jergilikti ózin-ózi basqarýdy damytý jáne memlekettik basqarý organdary arasyndaǵy ókilettikterdiń arajigin ajyratý máseleleri boıynsha boıynsha ótken basqosýǵa aımaq basshysy Qyrymbek Kósherbaev, oblys Máslıhatynyń tóraǵasy Bekmyrza Elamanov pen Úkimet tarapynan ókilder qatysty.
Otyrysty Ekonomıkalyq reforma jáne óńirlik damý komıtetiniń tóraǵasy Seıitsultan Áıimbetov ashty. Ol óz sózinde Qyzylorda oblysynda aýyldyq jerlerde jergilikti ózin-ózi basqarýdyń jumys isteýiniń úlken oń tájirıbesi bar ekenin jáne ekonomıkanyń turaqty damý úrdisi saqtalyp otyrǵanyn atap ótti.
Qyzylorda oblysynyń ákimi Qyrymbek Kósherbaev sóz alyp, óńirdiń áleýmettik-ekonomıkalyq damý jetistikterin, aldaǵy josparlar men júzege asyrylyp jatqan jobalardy, onyń ishinde jergilikti ózin-ózi basqarýdy damytý jáne aýyl ákimderiniń barlyq ókilettikterin iske asyrý máselelerin baıandady.
Ekonomıka jáne búdjettik josparlaý mınıstrliginiń jaýapty hatshysy Dına ShajenovaMemlekettik basqarý organdary arasyndaǵy ókilettikterdiń arajigin ajyratý máseleleri boıynsha Qazaqstan Respýblıkasy zańynyń iske asyrylýy týraly aıtty.
Qazaqstan Respýblıkasyndaǵy jergilikti ózin-ózi basqarýdy damytý tujyrymdamasynyń iske asyrylý barysy týraly Óńirlik damý mınıstriniń orynbasary Serik Jumanǵarın sholý jasady.
Qazaqstan Respýblıkasy Ulttyq kásipkerler palatasy prezıdıýmynyń múshesi, Áleýmettik sala jáne áleýmettik áriptestik komıtetiniń tóraǵasy Talǵat Doskenov Qazaqstan Respýblıkasy Ulttyq kásipkerler palatasynyń aýyldyq kásipkerlikti damytý josparyn túsindirdi.
Jergilikti ózin-ózi basqarý týraly zańnamany jetildirý boıynsha Ekonomıkalyq reforma jáne óńirlik damý komıtetiniń múshesi Aıgúl Soloveva baıandama jasady.
Memlekettik basqarý organdary arasyndaǵy ókilettikterdiń arajigin ajyratý máseleleri boıynsha Qazaqstan Respýblıkasy zańynyń basty erejeleri týraly Ekonomıkalyq reforma jáne óńirlik damý komıtetiniń múshesi Serikjan Qanaev sóz sóıledi.
Jergilikti ózin-ózi basqarýdyń tıimdi úlgilerin damytý, sonymen qatar, jergilikti ózin-ózi basqarýdy damytýda máslıhat, ákimderdiń rolin arttyrý máseleleri boıynsha Qyzylorda oblystyq máslıhatynyń depýtaty, Búdjet jáne qarjy máseleleri boıynsha turaqty komısıanyń tóraǵasy Qalqazbek Ájibekov, Qyzylorda oblystyq Selolyq tutyný kooperatıvteri qaýymdastyǵyń tóraǵasy Samıt Daldabaev, Qazaly aýdany Áıteke bı kentiniń ákimi Samat Amanov baıandama jasady.
Jıyndy qorytyndylaı kele, Májilis depýtattary, oblys jáne shaqyrylǵan mınıstrlikter basshylyǵy kóshpeli otyrystyń nátıjesinde jergilikti ózin-ózi basqarý júıesin odan ári damytý úshin qolaıly quqyqtyq jáne ekonomıkalyq jaǵdaı jasaý boıynsha Komıtettiń, ortalyq jáne jergilikti atqarýshy organdardyń, bıliktiń ókiletti organynyń jáne bıznes-qoǵamdastyqtyń aldaǵy ýaqytta tyǵyz jáne konstrýktıvti jumysy bolatynyn atap ótti.
***
Májilistiń Ekonomıkalyq reforma jáne óńirlik damý komıtetiniń tóraǵasy Seıitsultan Áıimbetovtyń basshylyǵynda aımaqqa barǵan depýtattar Asqat Bekenov, Talǵat Erǵalıev, Ámirhan Raqymjanov, Aıgúl Soloveva, Nadejda Nesterova is-sapar barysynda «Aqsýat» aýylynyń tynys-tirshiligimen tanysty.
Aldymen aýyldaǵy taǵzym eskertkishine gúl shoqtaryn qoıyp, jańadan ashylǵan aýyldyq klýbtyń jumysyn kórdi. Munan soń ótken jyly iske qosylǵan jol tósendilerin shyǵaratyn shaǵyn zaýytta boldy.
Halyq qalaýlylary «Smart Rubber» jaýapkershiligi shekteýli seriktestiginde de boldy. Atalǵan mekeme jaramsyz shınany óńdeýmen aınalysady. Inovasıalyq jobanyń ekologıalyq turǵydan tıgizer paıdasy kóp. Qazaqstan men Germanıanyń birlesken kásiporny jylyna 2,5 myń tonna shına qabyldap, odan 1,5 myń tonna rezeńke untaǵyn shyǵarady. Ónim tereń óńdelip, jasandy fýtbol alańdarynyń betki qabaty óndiriledi. Aldaǵy ýaqytta óńirde salynatyn oıyn alańdarynda osy ónim qoldanylady. Sondaı-aq jol qurylysyna qajetti belsendi untaq shyǵarylady. Bıtýmmen aralasqan bul untaq asfálttyń sapasyn jaqsartady. Al «QazRossInnavasıa» mekemesi aýyzsýdy súzgiden ótkizetin qondyrǵyny qurastyrýmen aınalysýda. Depýtattar ınovasıalyq jobalardyń aýyldyq jerde kóbeıip jatqandyǵyny qýantady deıdi.
– Óz-ózin basqarý zańy ótken jyly qabyldanǵanyn bilesizder. Sonyń óńirlerde júzege asý barysymen tanysyp jatyrmyz. Taǵy bir aıta keterligi, Qyzylordada oblys ortalyǵynan bólek, shalǵaıdaǵy aýyldarda kásipkerlik salasy jandanyp keledi eken. Bul jumyssyzdyqty joıylyp, halyqtyń jaǵdaıy jaqsaryp kele jatqandyǵynyń aıqyn kórinisi, - deıdi QR Parlamenti Májilisiniń depýtaty Seıitsultan Áıimbetov.
Sondaı-aq, halyq qalaýlylary keshe ǵana úsh eldiń basshysy qol qoıǵan Eýrazıalyq ekonomıkalyq odaq týraly kelisim otandyq ónimdi ózgelerge ótkizýge múmkindik týǵyzatynyn atap ótti.
***
Halyq qalaýlylary 31 mamyr kúni saıası qýǵyn-súrgin jáne asharshylyq qurbandaryn eske alý sharasyna qatysyp, Qyzylorda qalasynyń ortalyǵyndaǵy qýǵyn-súrgin qurbandaryna arnalǵan eskertkishke gúl qoıdy.
***
Májilis depýtattary osy saparda oblystyń Syrdarıa aýdanynda Besaryq jáne Naǵı İlásov atyndaǵy aýyldarda bolyp, Qazaqstannyń Eńbek Eri Abzal Eralıevtiń otansúıgishtik júrekten týǵan jerine jasap otyrǵan qamqorlyǵyn kózderimen kórip qaıtty.
***
Qazaqstan Respýblıkasy Parlamenti Májilisiniń depýtattary 1-maýsym –Balalardy qorǵaýdyń halyqaralyq kúnine arnalǵan balalar festıvaline qatysty.
