Jasyl orman ishinde taza aýamen tynystap, tynyqqanǵa ne jetsin? Fransıalyq dızaınerler tabıǵatty jaqsy kóretin týrıser úshin jańa qonaqúı jobasyn jasady. Tabıǵat aıasyndaǵy qonaqúı Marsel qalasy mańynda ornalasqan.

Qonaqúıdiń qabyrǵalary tolyǵymen móldir eko-plastıkten jasalǵan. Bunda týrıserdiń ormandaǵy jasyl jelekti bólmeden shyqpaı-aq tamashalap, ekologıalyq taza ortada demalýyna bar múmkindik jasalǵan.

Qonaqúıdegi árbir bólme móldir kapsýla túrinde jasalǵan. Bul «kapsýlanyń» ishine kreslo, tósek pen lampaly ústel qoıylǵan.
Aýa aǵysyn retteıtin klımat baqylaý júıesi de iske qosylǵan. Sondaı-aq qonaqtar túnde portatıvti teleskoppen aspan álemin tamashalaı alady.
Ekologıalyq qonaqúı jazda salqyn, qysta jyly. Qazir qonaqúıdiń jańa túrine jer-jerdegi týrıser qyzyǵýshylyq tanytyp otyrǵan kórinedi.

Ázirlegen Dana Qamshybek