Semeıde aýa raıy qubylmaly bolyp tur. Birese qar jaýyp, boran soqsa, arakidik jańbyr jaýyp, arty kóktaıǵaqqa ulasýda.
Osynyń saldarynan semeılikter qatty zardap shegip, denesin zaqymdap alýshylar sany artyp keledi, dep habarlaıdy 24.kz.
Semeıde qardyń qalyńdyǵy keı jerlerde 30 santımetrge deıin jetken. Oblysta jol apaty jıilep, sońǵy 2 kúnde 69 oqıǵa tirkeldi.
Sonymen qatar, qalada kóktaıǵaqtan zardap shekkender sany bir aptada edáýir artqan. Máselen, kúnine dárigerler kómegine 30-40 adam júginse, qazir 70-80 jetken.
Travmatolog mamandardyń aıtýynsha, naýqastardyń basym bóligi aıaq-qol súıekterin syndyryp alǵandar, jambas pen omyrtqalaryn zaqymdap alǵandar eken.
