Astanadaǵy Beıbitshilik jáne kelisim saraıynda QR Ulttyq bankiniń «Qazaqstan táýelsizdigine 25 jyl: ulttyq valúta» atty konferensıasy ótip jatyr. İs-shara barysynda Ulttyq bank tóraǵasy Danıar Aqyshev Táýelsizdiktiń 25 jyldyǵyna oraı Elbasy beınelengen 10 myńdyq sývenırlik banknot pen monetalardy tanystyrdy. Jańa banknottar osy jyldyń 1 jeltoqsanynda shyǵarylady, dep habarlaıdy «Qamshy» portaly.

Táýelsizdiktiń 25 jyldyǵy qarsańynda Ulttyq bank Memleket basshysy Nursultan Nazarbaev beınelengen jańa 10 000 teńgelik banknotty tanystyrdy. Jańa banknot biregeı tehnologıamen jasalǵan. Onda ómir aǵashy, saqtar dáýirinen búgingi kúnge deıingi tarıhty jınaqtaý belgisi retinde jasalǵan qorǵanysh elementteri beınelengen.

Sondaı-aq, jańa teńgede beımetaldyq galagramma, sımvoldyq beıneler arqyly kórsetilgen Astananyń panoramalyq beınesindegi qorǵanysh elementteri, faksımele oıýlanǵan sýret kórsetilgen. Al jańa 5 myń teńgelik moneta brýs sapasymen daıyndalǵan 925 synama kúmisten jasalǵan biregeı moneta. Jańa moneta Máńgilik el ıdeıasynyń qundylyqtaryn sıpattaıdy. Monetanyń bet jaǵynda Qazaq eli monýmentiniń sýreti beınelengen. Sonymen qatar, monetada qazirgi Qazaqstannyń kartasy aıasynda ár ult ókilderiniń ulttyq kıimderi beınelengen. 5 myń teńgelik moneta altyndalǵan kúnshyǵys beınesimen áshekeılengen. Onyń salmaǵy 777, 5 gram.

Danıar Aqyshev jańa monetanyń qashan shyǵarylatynyn atap ótti.

«Táýelsizdiktiń 25 jyldyǵyna arnalǵan 10 myńdyq sývenırlik banknot jáne 5 teńgelik moneta shektelgen tırajben 2016 jyldyń 1 jeltoqsanynan qoldanysqa shyǵarylady», - dedi tóraǵa.

Aıta keteıik, búgin Beıbitshilik jáne kelisim saraıynda QR Ulttyq bankiniń «Qazaqstan táýelsizdigine 25 jyl: ulttyq valúta» atty konferensıa ótýde. Mańyzdy jıynǵa Memlekettik hatshy Gúlshara Ábdiqalyqova qatysyp jatyr.