UBT! Osy bir túsiniktiń tereńinde úzilmes úmit, oryndy ýaıym, kúızelis pen tolǵanys jatyr. Óıtkeni, mektep bitirýshi túlekter úshin bul synaq bolashaqtarynyń "kilti men qaqpasy" sekildi. Baǵy janǵandary joǵary upaı alyp, qalaǵan oqý ornyna túsýine múmkindik týsa, endi bireýleri úshin sátsizdikpen este qalýy múmkin. Al, bıylǵy UBT nesńmen este qaldy?.. Testileý bastalǵan tórt-aq kúnniń ishinde biraz jaıtqa qanyq boldyq...
Jyl saıynǵy dástúr boıynsha, Ulttyq biryńǵaı testileý bıyl da ý-shýsyz ótpedi. Bıylǵy UBT da ózindik erekshelikterimen oqýshynyń da, ata-ananyń da esinde jaqsy saqtalyp qalatyn boldy. "Ereksheligi" deıtinimiz sol, mektep pánderine múlde qatysy joq suraqtar tolyp júr. Máselen, "Almatyda syra zaýyty qashan ashyldy?" degen suraqtyń qoıylýy mektep túlegin mazaqtaǵany emes pe? Qabyrǵasy qatyp, buǵanasy bekimegen mektep oqýshysynyń syra zaýytynda ne sharýasy bar? Suraq qurastyrýshylardyń logıkasy qaıda? "Aıqyn" gazetiniń jazýynsha, bul suraqtyń jaýabyn Bilim jáne ǵylym mınıstri Aslan Sárinjipovtiń ózi de bilmeı, tilshilerdiń aldynda qara terge túsipti. Mınıstr «Apelásıalyq komısıaǵa shaǵymdansyn» dep mińgirlegennen basqa túk te aıta almady. Sonda bilim salasyna Almaty syra zaýytynyń qandaı qatysy bar? Álde Sárinjipov myrza salqyn syrany siltegendi unata ma? Álde bul syra zaýytynyń jarnamasy ma?! dep, oryndy baılam jasaǵan.
Test suraqtarynyń arasynda "Mahambettiń rýy ne?" degen stılısıkalyq turǵyda durys qurastyrypmaǵan suraqtar bar? Sonymen qatar, belgili tulǵalardyń týǵan jyldaryn qatysty ekiushty jaýaby bar suraqtar bar. Osyndaı jolmen bilim sapasyn synaý kimge paıdaly?
Asyly, suraqty qurastyrǵan mamandardyń óziniń saýattylyǵyna kúmán keltirýge bolady. Barshamyzǵa belgili, test turaqtaryn jasaıtyn mamandar arnaıy tańdap alynyp, súzgiden ótkiziledi. Alaıda, joǵarydaǵydaı suraqtardy kórgende qalaı tańdalǵanyna tań qalmasqa amalyń joq.
UBT mektep oqýshylaryn ótirik pen alaıaqtyqqa úıretip kele jatyr. JOO-da aqshamen oqıtyn jastardyń negizi osy mektep qabyrǵasynan bastap boılary úırene bastaıtyn sekildi. UBT-nyń suraqtary saýda túsip, 10 bal -100 myń teńge, 100 bal - 300 myń teńgege baǵalanypty. Baldyń baǵasy bar, al bilimniń baǵasyn kim beredi? Mınıstrliktiń málimetine súıensek, tárkilegen uıaly telefon, sol shamalas shpargalka, kálkýlátor, fotoaparat, fleshkanyń sanynda qısap joq. Bir kúnniń ózinde tártip buzǵany úshin 13 talapker aýdıtorıadan shyǵaryldy. Test tapsyrýshylardan 5 962 uıaly telefon, 1 783 shpargalka, 121 kálkýlátor, 6 fotoaparat, 2 rasıa tabylǵan. Al, telefondaryn beldigine qystyryp, tekserýden ótip ketkenderi qanshama?
Budan túıgenimiz, mektep oqýshylary 11 jyl alǵan dúdamal bilimimen qosa, ótirikti boıyna sińirip ósýde degen oıǵa jeteleıdi.
Bul tek bizdiń oı, al siz ne deısiz?
Shalqar Qanıatbekuly
Altaı qalasy
