Qytaı halyq respýblıkasy áleýmettik jelilerde Koreı Halyq Demokratıalyq Respýblıkasy prezıdenti Kım Chen Ynmen fızıkalyq erekshelikterine, jeke basyna baılanysty mazaq pen ázil aıtylýyna tıym saldy. «Kım – úshinshi semiz» sózine resmı senzýralyq shekteý keldi.
Álemdik baspasózde bir túrliligimen aty tanylǵan Kım Chen Yn Qytaıda da kóp talqylanatyn esimderdiń biri.
Komýnıstik rejım ámir júrgizetin Soltústik Koreıa Kım áýleti jaǵynan bılenip kele jatyr. Kım Chen Yn osy áýlettiń bılikte otyrǵan úshinshi násili bolyp tabylady.
Qytaı halyq respýblıkasynda jastar jaǵy Soltústik Koreıa prezıdentin eldegi atqaryp jatqan saıasattarymen synap, onyń is-qımylyna, túr tulǵasyna, dene bitimine túrli mazaqtar aıtty.
Buny unata qoımaǵan Soltústik Koreı bıligi resmı túrde Qytaıdan bundaı syn-syqaqqa áleýmettik jelide tıym salýdy suraǵan.
Qytaı sáıkesinshe eski odaqtasynyń talabyn eskerip, ınternettegi eń úlken izdeý júıesi Baıdý men mıkroblog júıesi Weibo-da qytaı tilinde (金三胖)Jin San Pang dep izdeýge senzýra qoıdy. Atalǵan sóz «úshinshi semiz kım» degen maǵyna berip, Soltústik Koreı lıderiniń jeke basyna baǵyttalǵan mazaq sóz.
Aıta keter bolsaq, 2014 jyly Kım Chen Yn tutqyndaldy degen aqparat tarap ketip, rasqa aınalmaı shyqqan. Al, bıylǵy jyly mamyr aıynda Kım Chen Yn óldi degen aqparat tarap, keıinnen Soltústik Koreı prezıdenti el aldyna shyqqan bolatyn.
1952 jyl koreı túbegi ekige bólinip soǵysyp, nátıjesinde Ońtústik jáne Soltústik Koreıa memleketteri paıda boldy. Komýnıstik rejımdegi Soltústik Koreıaǵa tek Qytaı jaqtasty. Al, Ońtústik Koreıaǵa NATO-ǵa múshe elder túgeldeı ásker jibergen bolatyn.
Soltústik Koreı Konstıtýsıasy boıynsha sol kezdegi prezıdent Kım Ir Sen – Respýblıkanyń Máńgi Prezıdenti bolyp tabylady. Onyń uly, qazirgi prezıdenttiń ákesi Kım Chen Irdyń KHDR Uly jetekshisi degen konstıtýsıalyq statýsy bar.
Eske sala ketsek, prezıdenttiń jeke basyn konstıtýsıamen qorǵaıtyn erekshe statýstar Qazaqstan, Túrkimenstan, Tájikstan sıaqty Orta Azıa elderinde de bar. Atap aıtsaq, jaqynda ǵana Tájikstan «Ult kósemine» til tıgizýshilerdi 5 jylǵa qamaıtyn zań qabyldaǵan bolatyn.
