Qazaqstanda Azamattyq forým 2003 jyldan bastap jylyna eki ret ótkizilip otyrady. Azamattyq forým – elimizdiń áleýmettik ómirinde asa mańyzdy sharalardyń biri. Búgin el táýelsizdiginiń 25 jyldyǵyna oraı Almatyda «Bolashaǵymyz birlikte» atty X Azamattyq forým ótti.
X Azamattyq forýmnyń uıymdastyrýshylary: Almaty qalasynyń İshki saıasat basqarmasy men QF «Almaty qalasynyń aqparattyq-resýrsty ortalyǵy». Sharanyń negizgi maqsaty – ÚEU men melekettik músheleriniń ózara árekettetigin talqylaý.
Otyrys taqyryby: «Almaty qalasynda Memleket Basshysy N.Á. Nazarbaevtyń bes ınstıtýsıonaldyq reformasyn júzege asyrýda ÚEU-dyń róli». Osyǵan oraı, Almaty qalasynyń orynbasary A.O. Qyryqbaev, Almaty qalasy Qoǵamdyq keńesiniń tóraǵasy, «Turan» ýnıversıtetiniń rektory R.A. Alshanov, Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamenti basshysynyń orynbasary Sh.A. Álimhanov, Qazaqstan halqy assambleıasynyń múshesi G.V. Kann jáne «Berekeli jol» RQB prezıdenti R.K. Badaeva óz baıandamalaryn oqyp, usynys jasady. Sonymen qatar, Almaty qalasy Qoǵamdyq keńesiniń jumysyna ÚEU-dyń qatysýy, Memlekettik qyzmet isteri jáne sybaılas jemqorlyqqa qarsy is-qımyl agenttiginiń ÚEU-men ózara árekettestigi, azamattyq birtutastyqty qalyptastyrýdaǵy qoǵamdyq uıymdardyń róli, Memleketke tán emes fýnksıalardy básekelestik ortaǵa berý prosesine ÚEU-nyń qatysýy sıaqty ózekti máseleler talqylandy.
Forýmnyń aıasynda: plenarlyq otyrys, «Órleý» 2016 Jármeńkesi men Baıqaýynyń laýreattaryn saltanatty túrde marapattaý jáne Qazaqstannyń VII Azamattyq Forýmyna delegattardy saılaý jáne dıalog alańdaryndaǵy jumys ótti.
«Almaty qalasynyń aqparattyq-resýrsty ortalyǵy» QF-nyń dırektory Altynaı Kóbeevanyń aıtýynsha, «Almaty qalasynyń Azamattyq forýmy ÚEU, BAQ jáne basqa da qoǵamdyq uıymdarmen birlesip, qalamyzdy kórkeıtýge, damytýǵa at salysamyz».
