Ońtústik Qazaqstan oblysy jylyjaı salýdan Qazaqstan boıynsha birinshi orynda keledi. Óńirdegi  jylyjaılardyń jalpy aýdany búgingi tańda 1025 gektardy qurap otyr, bul elimizdiń barlyq jylyjaı sharýashylyqtarynyń 87%-yn quraıdy.  Jylyjaı  salasynyń damýy osy óńirdiń áleýmettik-ekonomıkalyq damýynyń negizgi faktory bolyp tabylady, sebebi oblys halqynyń jartysynan kóbi (55%) aýyldy jerlerde turady. Aýyl sharýashylyǵy óndirisiniń úlesi jalpy elimiz boıynsha 12,5% quraıdy jáne ekinshi orynǵa ıe. Ońtústik óńirde sýarmaly jerdiń aýdany 440 myń gektarǵa jetti, egis alqabynyń jalpy aýdany 773  myń gektardy quraıdy. 

    Ońtústiktiń jylyjaılar mekeni atanýyna "Údemeli ındýstrıalyq-ınnovasıalyq damytýdyń 2015-2019 jyldarǵa arnalǵan damý" baǵdarlamasynyń úlesi zor. Jobanyń "Agrobıznes - 2020", "Jylyjaı" baǵdarlamalary arqyly nesıe alyp, jylyjaımen aınalysyp otyrǵan kásipkerler jeterlik. Sonyń biri Qajymuqan Tuıaqov. Jylyjaı qojaıyny  Saryaǵash qalasynyń Kásipkerler palatasynan óz bıznesin keńeıtý boıynsha keńes alady. Sala mamandary jan-jaqty keńes bere otyryp, kásipkerdiń jobasyna qoldaý kórsetken. Osylaısha, ol mamyr aıynda «Saryǵash nesıe» nesıe seriktestiginen on mıllıon teńgeni nesıege alyp, óziniń bıznesin keńeıtti. Jalpy, kásipker óz jylyjaıyn 2010 jyly ashqan, ol 50 sotyq jerdi alyp jatyr. Al, qýattylyǵy jylyna bir tonna kókenis ónimin berýge jetedi. Munda segiz adam eńbek etýde. «Agrobıznes-2020» memlekettik baǵdarlamasy aıasynda nesıe alyp jylyjaı keńeıtildi jáne taǵy úsh adam jumyspen qamtyldy», dedi kásipker. Aıta keterlik jaıt, kásipker «İskerlik baılanystar» jobasy aıasynda óz bilimin jetildirdi. Munda sheteldik áriptestermen baılanys ornatý úshin Germanıada taqyryptyq bıznes-tájirıbeden ótý qarastyrylǵan.

rgmedia.kz