Qamshy portalynyń qorjynyna birer saǵat buryn ózderin Dáýlet Turlyhanov jáne Erbolat Bedelqan dep tanystyrǵan ekeýdiń ózara áńgimesi jazylǵan aýdıo tústi. Dáýlet Turlyhanovty tanymaıtyn qazaq joq. Qazaq úshin Dáýlet ult maqtanyshy ekendigin eske sala keteıik. Aýdıojazbany tyńdaı kele mán-jaıdyń anyq-qanyǵyn bilý maqsatynda Dáýlet Turlyhanovqa tilshimiz qońyraý shalyp, habarlama jazǵan bolatyn. Ókinishke oraı, Dáýlet myrzamen baılanys ornata almadyq. İle-shala ǵalamtorda atalmysh aýdıojazba taralyp ketkeni jarıa boldy. Qamshy portaly da óz kezeginde bul jazbany oqyrman nazaryna usynýdy jón sanady,

Telefon áńgimesinde ózin Dáýlet Turlyhanov dep tanystyrǵan adam Erbolatqa «Ninety One» toby úshin sógis aıtty. «Nemene shýlatyp júrsińder, tepse temir úzetin jigitter ǵoı balalaryń, sheteldikterge uqsaıdy ǵoı túrleri, shetelge ketip qalsyn» dep renjıdi telefon áńgimesindegi adam. Sondaı-aq ol Ninety One jigitteriniń stıline baılanysty sógis aıtady.

Áńgime barysynan telefon jazbasynyń sońǵy aptada ǵana bolǵanyn baıqaýǵa bolady. Sebebi telefondaǵy dıalogtan Táýelsizdigimizdiń 25 jyldyǵyna oraı, «Qazaqstan» ulttyq arnasynyń arnaıy jobasy - 16 qarashada, «Almaty arena» Muz aıdynynda ótken «Jyl tańdaýy» keshi týraly bilýge bolady. Ózderin Dálýet Turlyhanov jáne Erbolat Bedelhan dep tanystyrǵandar áńgimesinde, Dáýlet Turlyhanov Erbolatqa: «Jastardy qurtasyńdar, juldyz bolsa ózderine, el qarsy shyqty ma, qaıtý kerek» dep aqylyn aıtady.