«AgromashHoldıng» AQ Trade-In naýqanynyń arqasynda aýyl sharýashylyǵy taýarlaryn óndirýshiler júzden astam eskirgen tehnıkasyn 2016 jylǵy egindi jınaýǵa qatysatyn ónimdiligi joǵary jáne asa tıimdi kombaındarǵa aýystyrdy.
Aýyl sharýashylyǵy taýarlaryn óndirýshiler astyq jınaıtyn tehnıkany tańdaǵan kezde qatelespeýge tyrysady. Óıtkeni, úmitteriniń aqtalyp, uzaq ýaqyt paıdalanylatyn tehnıkaǵa ıe bolǵysy keledi. Agroqurylymdardyń kóbisinde kombaındardyń tehnıkalyq parkiniń jaǵdaıy múshkil: ondaǵy tehnıka eskirgen, tıimdiligi tómendegen jáne shyǵyny molaıyp barady. Sondyqtan eginshiler aýyl sharýashylyǵy tehnıkasyn tańdaý kezinde ony barynsha jańartý jáne onyń paıdalaný merzimin uzartý maqsatynda zaman talabyna saı úrdisterdi qoldanýǵa tyrysady. Fermerler mashınalardy ábden tekserip, synnan ótkizedi. Sondaı-aq, olarǵa jáne servıstik qyzmet kórsetetin orynnyń bolýy týraly áýestik bildiredi.
Sońǵy faktor óte erekshe. Óıtkeni, mashına qandaı myqty jáne senimdi bolsa da mamandardyń aralasýy men merzimdik kómegin talap etetin jaǵdaılardyń týyndaýy ábden múmkin. Biraq agrarshylardyń artyqshylyǵyn tanytyp turatyn basqa da aıtarlyqtaı mańyzdy sebepter bar. Sonyń biri – qarjylyq qoldaý kórsetý.
Biz tıimdi sharttar boıynsha tehnıkany satyp alýǵa múmkindik beretin lızıń uıymdary, sonymen qatar paıdalanýda bolǵan, eskirgen tehnıkany jańaǵa aýystyra alatyn óndirýshi zaýyttyń baǵdarlamalary jaıly aıtpaqpyz. Dál osyndaı kisi qyzyqtyratyn naýqandy «AgromashHoldıng» AQ iske qosty. Mundaǵy Trade-In jobasy tehnıka ótkizýdiń tabysty nátıjelerin kórsetti.
Eń bastysy: baǵdarlama sharttaryn uqypty paıdalaný, rasynda da, agroqurylymdar úshin óte qolaıly jáne tıimdi. Ol úshin «AgromashHoldıng» AQ servıstik ortalyqtarynyń mamandaryna júginý jetkilikti. Olar istiń mán-jaıyn túsindire otyryp, qajetti qujattardy jınaýǵa kómektesedi. Jalpy aıtqanda, barlyǵy sizderge jáne sizder úshin. Aıta keterligi, barlyǵy tegin jáne keıde óndirýshi de táýekelge barady. Óıtkeni, paıdalanylǵan tehnıkany qabyldaǵannan keıin qaıda ótkizetini belgisiz jaǵdaılar da kezdesýi múmkin. Biraq bul jaǵdaı kompanıa úshin qorqynyshty emes. Munda qalaı bolǵanda da alǵa qoıǵan maqsatqa jetýge úırengen. Oǵan qosa, «AgromashHoldıng» kásiporny úshin ónimdi tutynýshylardyń múddesi árqashan birinshi orynda tur. Kompanıanyń biraz ýaqyttan beri ózi qabyldaǵan sheshimderi úshin jaýapty ekendigin dáleldeýin senim bildirgen qazaqstandyq agrarshylar joǵary baǵalaýda.
Búgingi tańda Trade-In baǵdarlamasynyń arqasynda qazaqstandyq agrarshylar tehnıkalyq parkin aıtarlyqtaı jańartýda. Aýyl sharýashylyǵy taýarlaryn óndirýshiler bul naýqanǵa tartymdylyǵy úshin ǵana qoldaý tanytyp otyrǵan joq. Olar bul naýqan tehnıkalardyń barynsha tozyǵy jetken kúnniń ózinde aýyl sharýashylyǵy mashınalaryn modernızasıalaý úshin eń joǵary ári úzdik múmkindigi ekendigine senip otyr. Sondaı-aq, fermerlerdi tehnıkaldardy aýystyrý sharttary da asa qyzyqtyrýda. Bul proses barlyq jaǵynan yńǵaıly: agrarshylarda tehnıkany konservasıalaý qajettiligi týyndamaıdy, paıdalanýda bolǵan kombaındy astyq jınap bolǵannan keıin «AgromashHoldıng» AQ-nyń mamandary egistik basynan birden alyp ketedi.
Oǵan qosa, kompanıa aýystyrýǵa jatatyn tizimdegi tehnıkalardyń baǵasyn burynǵy deńgeıde qaldyryp, 2016 jylǵy jańa ónimdi, ıaǵnı «Essil – 760.1» astyq jınaıtyn kombaınyn qosty.
Sońǵy modıfıkasıa úlgisin aýyl sharýashylyǵy taýarlaryn óndirýshilerge dál astyq jınaý jumystarynyń aldynda usyndy. Osy maýsymda rekordtyq egin jınaý úshin astyq jınaýdyń qarqyny men ónimdiligin aıtarlyqtaı jedeldetýdi, áleýetti jáne asa tıimdi aýyl sharýashylyǵy tehnıkasyn talap etti. Astyqtyń shyǵymdylyǵy joǵary bolǵan jaǵdaılarda «Essil – 760.1» naǵyz qutqarýshynyń ózi bolyp shyqty. Trade-In naýqany boıynsha óz aýyl sharýashylyǵy mashınalaryn «Essil – 760.1»-ge aýystyrǵan agrarshylar kombaın tańdaýdan qatelespegenin, ondaǵy tehnıkalyq sıpattamalardyń jaqsarǵanyn qaıta-qaıta aıtýda.
Kombaınnyń jańartylǵan nusqasynda jańa kólbeý kamerasy jáne 9 tekshe metrge deıin ulǵaıtylǵan astyq býnkeri ornatylǵan. Odan basqa, astyq býnkeriniń konstrýksıasynda mehanıkalyq vıbrodn jetegi bar mehanızm qoldanylǵan. Bul dymqyldyǵy joǵary astyqty orǵan kezde kúmbez shatys úıilmeni boldyrmaýǵa múmkindik beredi. Zamanaýı tehnıka ónimdi jáne qolaıly. Jáne egin jınaý kezindegi ysyraptyń tómendeýi de agrarshylardy bárinen kóbirek qýantty.
Eginshilerdiń bári tehnıkanyń basqarý jeńildigin, egistikterdegi jer tanaptarynyń bederi men kúrdeli konfıgýrasıasy boıynsha da jumysty senimmen atqaratynyn aıtyp otyr. Sonymen qatar paıdalaný kezindegi shyǵynnyń is júzinde azdyǵy baıqaldy. Al, astyq bastyrý apparaty aýanyń dymqyldyǵyna da syr bermeı jumys júrgizdi. Jańǵyrtylǵan «Essil – 760.1» kombaıny mehanızator úshin bárin yńǵaıly etýge, egin jınaýdyń jaǵdaılaryn barynsha jeńildetýge múmkindikter beredi.
«AgromashHoldıng» kóńil qyzyqtyratyn naýqannan jáne tehnıka jelisin toltyrýda jańa jańartylǵan «ESSIL KZS–760.1» kombaınynan basqa astyq jınaıtyn kombaındarǵa tehnıkalyq qyzmet kórsetý múmkindigin de oılastyrdy. Qandaı aqaýlyqtar bolsa da nemese qandaı kúrdeli máseleler týyndasa da fermer sharýa qojalyǵyna qyzmet kórsetetin fılıaldyń servıs qyzmetine táýliktiń kez kelgen ýaqytynda júgine alady. Mundaǵy mamandar keńes berýmen qatar tehnıkany da jóndeıdi, qosalqy bólshekterdi de jetkizedi. Astyq jınaý naýqany ońaı jáne tabysty ótýi úshin «AgromashHoldıng» óz úlesin qosýǵa ázir.
Angelına SINEVA, «Ońtústik Qazaqstan» gazeti.
