Almatyda dástúrli emes dinı aǵym ókilderi jınalatyn oryndarǵa baqylaý júrgizilip jatyr, bul týraly Tengrinews.kz habarlaıdy. 

Onyń aıtýynsha, Almatyda radıkal bolýy múmkin tulǵalardy anyqtaý boıynsha jumys júrgize otyryp, quzyrly organdar adamdy radıkaldarǵa syrt kelbetimen uqsas keletin adamdardy ustaýy múmkin. "Qala úlken. Osy ıdeıalardy ustanatyndar bar. Olar bizdiń aramyzda ómir súrip júr, oqıdy, jumys isteıdi, meshitke barady, zańǵa qaıshy kelmeýi múmkin. Tek zań buzylsa ǵana jaýapqa tartylady. Biraq, tek syrt kelbetine qarap ustaýǵa bolmaıdy. Adam qatelesedi. Bireýler burys baǵyt bergen bolýy múmkin. Olarmen áńgimelesse, durys jolǵa oralyp ta jatady", - deıdi Esenbekov.

Onyń sózinshe, qalada radıkaldy ıdeıalar nasıhattalyp, adamdardy óz jaǵyna tartýy múmkin oryndarǵa baqylaý júrgiziledi. 

"Olar jınalatyn birneshe meshit bar. (...) Saýdagerleri dástúrli emes aǵymda júrgenin baıqatatyn birneshe saýda úıi men bazarlar bar. CarCity avtobólsheketer bazary bar, aerovokzal bar, telefon satady ol jerde, nazarymyzǵa túsken taǵy bir oryn Kók bazardaǵy saýda núktesi. Baraholkadaǵy keı bazarlar, dinı oqýlyqtar satylatyn oryndar", - deıdi vedomstvo basshysy. 

Sonymen qatar Aıdar Esenbekov dinge bet burǵysy kelgen, biraq, radıkaldy aǵymdar jeteginde ketip qalǵysy kelmeıtin turǵyndarǵa óz usynystaryn aıtty. 

"Men birden aıtaıyn Namazǵa jyǵylǵysy nemese Islamǵa bet burǵysy kelgen adam meshitte qyzmet atqaratyn  resmı ımamǵa barýy kerek. Kóshede bireýlermen bul másele boıynsha tildesýdiń keregi joq. Eger báz bireýler dáris tyńdaýǵa shaqyrsa, fılm kórgýe shaqyrsa, birden qaýiptený qajet. Onymen barmasyn, meshitke barsyn", - dep óz keńesin berdi Esenbekov.

Sonymen birge, ol din isteri komıteti qandaı kitaptar oqýǵa bolatynyn jáne meshit mekenjaılary kórsetilgen 20 saıttyń tizimin jarıalaǵanyn atap ótti.