Almaty qalalyq ákimdiginiń uıymdastyrýymen 25 qarasha kúni "Ǵylym Ordasy" kitaphanasynyń konferens zalynda Alash ardageri, memleket jáne qoǵam qaıratkeri Álıhan Bókeıhanovtyń 150 jyldyǵyna arnalǵan "Alashtyń Álıhany" atty Respýblıkalyq ǵylymı-tájirıbelik konferensıa ótti. Ǵylymı konferensıada Mámbet Qoıgeldıev, Ýálıhan Qalıjan, Aıgúl İsmaqova, Nurlan Atyǵaev, Hangeldi Ábjan, Záýresh Saqtaǵanova, Gúlbaný Júgenbaeva, t.b. belgili ǵalymdar baıandama jasady.
Sondaı-aq, Alash arysy Álıhan Bókeıhannyń 150 jyldyǵyna arnalǵan kesh ótti.
24 qarasha kúni M.Áýezov atyndaǵy qazaq akademıalyq drama teatrynda Alash ardageri, memleket jáne qoǵam qaıratkeri Álıhan Bókeıhanovtyń 150 jyldyǵyna arnalǵan "Alashtyń Álıhany" atty saltanatty kesh ótti. IýNESKO jyldyń eń myqty qaıratkeri dep tanyǵan uly tulǵanyń keshinde Almaty qalasynyń ákimi Baýyrjan Baıbek, tarıh ǵylymdarynyń doktory, profesor, Alashtanýshy- ǵalym Mámbet Qoıgeldıev sóz sóıledi. Kesh barysynda Alash ardageriniń ómiri men memlekettik qyzmeti týraly derekti beınefılm kórsetilip, Qazaqstannyń eńbek sińirgen qaıratkerleri Ramazan Stamǵazıev, Gúlzat Dáýirbaeva, Erkin Shúkimanov, Álıhannyń týǵan óńirinen 150 jyldyq mereıtoıǵa arnaıy kelgen Dáýrenbek Árkenov, belgili ánshi Farhad Kýbeev, t.b. óner sheberleri qatysty. Konsert barysynda "Otyrar sazy" memlekettik akademıalyq etngrafıalyq-folklorlyq orkestri Qurmanǵazy, Táttimbet. Nurǵısa Tilendıevtiń kúılerin oryndady. Ǵ.Músirepov atyndaǵy jastar men jasóspirimder teatrynyń akterleri Álıhan Bókeıhanovtyń ómirine qatysty qoıylym jasady. Mazmundy, maǵynaly ótken mýzykalyq-poetıkalyq keshti Almaty qalasynyń ákimdigi uıymdastyrdy.
