Aqbota Kerimbekova alǵash ret óziniń alfons kúıeýleri týraly aıtyp berdi. Ánshi eki ret turmysqa shyqqan. Birinshi reket kúıeýi ony qatty jaqsy kórgen eken. Alaıda ánshiniń ózi oǵan degen laýlaǵan seziminiń bolmaǵanyn aıtady. Al ekinshi kúıeýimen ajyrasýyna enesi sebep bolǵan. Enesi Aqbotany “Balamdy dýalap aldyń” dep aıyptaǵan.

Bul týraly 31 arnanyń “Uıat emes” baǵdarlamasynda aıtyldy deıdi stan.kz.

Aqbota Kerimbekova balalyq shaǵynyń baqytsyz kúnderge toly bolǵanyn jasyrmady. Ákesi ishimdik iship, anasyna qol kótergen eken. Olar Aqbotanyń 11-12 jasynda ajyrasyp ketken. Ánshi ata-anasynyń ajyrasqanyna tek qana qýanatynyn aıtady.

– Birinshi kúıeýińmen saǵan qol kótergeni úshin ajyrastyń ba?

– Joq! Alla kórip tur joldasym maǵan qol kóterip, uryp-soqqan emes. Birinshi kúıeýim 93-94 jyldardaǵy bylǵary kúrte kıip júretin reketterdiń biri boldy. Taza jolmen júrmese de, mundaı isterden bas tartamyn dep ýáde bergen-di. Biraq, qoımady. Qazir qaıda júrgenin de bilmeımin. Erkekti syılaý kerek degen qazaqy tárbıemniń arqasynda oǵan kóp nárseni keshirdim. Basqalardy urǵan shyǵar, biraq maǵan saýsaǵynyń ushyn da tıgizgen emes. Mende laýlaǵan sezim bolmasa da, kúıeýim meni qatty jaqsy kórdi. Aqshamyz bolmaǵandyqtan, toı jasamadyq. Dástúrge saı eshnárse bolmady. Ekeýimiz de qarapaıym otbasynan shyqqan. Meniń áke-sheshem “másele aqshada emes, bir-birlerińdi shyn súıseńder boldy” degen qaǵıdany ustandy. Kóp nársege kóz jumyp qarady. Ásirese, sheshem kóp nárseni keshirdi.

– Joldasyńmen birge ómir súre almaıtynyńdy qashan túsindiń?

– Kún saıyn úıdegi áńgimemiz urys-tóbelestiń aınalasynda órbidi. Sharshatyp jiberdi. Men óner adamy bolǵym keldi. Kishkene kúnimnen ánshi bolýdy armandamasam da, mýzykaǵa jaqyn bolyp óstim. İshteı án aıtqym kelip turatyn. Joldasym úılengenge deıin “Maǵan bir ul týyp berseń boldy. Ary qaraı Qytaı asyp ketseń de báribir” dep júretin azamat edi. Keıin bárinen qyzǵanatyn boldy.

– Sen rekettiń áıeli boldyń. Ózińniń basyńa qaýip tóngen jaǵdaılar boldy ma?

– Basyma qaýip tóngen kúnder bolǵan emes. Erkektik qasıetiniń arqasynda ondaıǵa jetkizbedi. Qatty jaqsy kórgendigi de shyǵar. Bir kúni “Men syrtqa shyǵyp ketsem, senderdi óltirip ketedi” degen áńgime aıta bastady. Sol kezde “Ajalymyz kelse, bárin de kóremiz” deıtinmin. Otbasymyzdy qansha saqtap qalamyz desek te, birge tura almadyq. Ol óz jolyn tańdady. Men shydap-kónip júre beretin áıelderdiń qatarynan emespin. Kózim jetse bolǵany, áp-sátte sheshim qabyldaımyn. Ajyrasýǵa usynys tastaǵan ózim.

– Ekinshi nekeń de sátsiz aıaqtaldy. Ne sebepten?

– Ekinshi kúıeýim óte jýas jigit boldy. Ózindik pikiri bolmady. “Men otaǵasymyn. Otbasymdy qorǵap, asyraýym kerek” degen túsinik bolmady. Anasynyń aıtqanymen júrdi. Bizdiń ajyrasýymyzǵa enem sebepker boldy. Osy baǵdarlamany kórip otyrǵan bolsa, ol kisige esh renishim joq. Tolyqtaı keshirdim. Olarǵa menen góri, dúnıem kerek bolǵan sıaqty. Bul ashyqtan-ashyq aıtyldy. Úıime, kóligime, aqshama, meniń tapqan tabysyma qyzyǵa bastady. Jurt Aqbota Kerimbekova mıllıoner, aqshany týyp jatyr dep oılaıtyn shyǵar… Osylaısha qarapaıym 50-60 myń taýyp júrgen adam baılyqqa kenelgende aljyp qaldy. Dym kórmegendik degen osy bolar.

– Senen góri aqshańa qyzyqqanyn qala bildiń?

– Jalpy joldasym ekeýimiz eshqashan urysqan emespiz. Áńgimeniń barlyǵy enemniń tarapynan aıtyldy. Ol kisiniń “Balamdy dýalap aldyń” degen sózine shydamadym. Mundaı qasıetim bolsa, joǵarydaǵy mınıstrdi nemese mıllıonerdi, jaǵdaıy jaqsy adamdy dýalap almaımyn ba?! Osy sózdi men keshire almadym. Qorǵaýshy jaldap, ajyrasyp kettim. Menen eshnárse ala almady. Eki kúıeýim de tabys tapqan emes.

Ekeýi de meniń shańyraǵymda turdy. Ekeýiniń de tamaǵyn, kıimin ózim alyp berip, jaǵdaılaryn jasadym. Alladan jasyrmaımyn! Munyń barlyǵy shyndyq. Bir kúni “Qoı, Botash! Ary qaraı ómirińdi súr! Úıińdi sal. Ana úsh balańdy dúnıege alyp kelgen ekensiń, asyrap baq” dedim. Bul ómirde eshkim eshkimge mindetti emes. Onyń ústine men ózge bireýden tıyn suraýǵa daǵdylanbaǵan adammyn. Toı-tomalaq pen konsertten aldanyp, urynyp júrsem de, shúkir, tabys tabamyn. Qazir úsh balama anam ekeýimiz qaraılap otyrmyz.