Jer betinde «Máńgilik jaz» atanyp ketken elder barshylyq. Bul elder qardy tek kógildir ekrannan kórmese, qystyń qandaı sýyq bolatynyn elestete de almaıdy. «Máńgilik jaz» elderine birge saıahattaıyq dep jazady massaget.kz.

Avstralıa

Jeltoqsan men aqpan aıynyń aralyǵynda qalypty jaǵdaıda qar túsip, qys mezgili bolatyn kez. Bizdiń elde de bul aılarda qar qalyń ári qys sýyq bolady. Al Avstralıada kerisinshe osy kezde baqtary gúldep, jasyl jelekke oranady. Aýa temperatýrasy +30 gradýsqa deıin jetedi.

Balı. Indonezıa

Tropıkalyq ormandarǵa toly Balıda máńgi jaz. +33 gradýsqa deıin jetetin elde siz jaqsy demalyp qaıtýǵa múmkindik ala alasyz. Kúndiz ystyq, keshkisin tropıkalyq salqyn jel ǵana bolady.

Goa. Úndistan

Goa – eń ystyq ári tabıǵaty keremet jer. Úndistanda ornalasqan Goanyń jaǵalaýlarynan saıahatshylar aıaǵy úzilgen emes. Aýa temperatýrasy bizde –30 bolǵan kezde, bul jerde, kerisinshe, +32 gradýs ystyqty kórsetedi.

Mysyr

Ejelgi ómirdiń qaqpasyn ashatyn, pıramıdalarǵa toly Mysyrda máńgilik jazdyń belgisi retinde qumdy dalasyn kóremiz. +30-35 gradýs arasynda ystyqpen arpalysyp júrýge daıyn bolsańyz, «máńgilik jaz» sizdi qushaq jaıa qarsy alady.

Maldıv

Qymbat tastardyń otanyna aınalǵa Maldıv araldary sizge tanys. Úndi muhıtymen kómkerilip jatqan aralda siz esten ketpes demalys ótkizesiz. Bul elde aýa temperatýrasy +30 gradýstan asady.