Aqtóbe oblysyndaǵy Shalqar aýdandyq ákimdik ǵımaraty aldynda belgisiz bireý "Allahý Akbar" dep aıqaılap, qolyndaǵy taıaǵymen ǵımarat aldyndaǵy shamdardy syndyrǵan dep habarlaıdy 31 arna.

Ákimdik qyzmetkerleri men turǵyndardyń záresin alǵan azamattyń bul iske ne úshin barǵandyǵy ázirge belgisiz.

Beınejazbada "Allahý Akbar" dep aıqaılap júgen ashýly azamat kóshedegi adamdar men kólikterge umtylyp, odan qaldy qolyndaǵy taıaǵymen ákimshilik aldynda turǵan shamdardy syndyryp júr. Biraq vıdeodan qoǵamdyq tártipti buzǵan adamdy toqtatýǵa ákimshilik qyzmetkerleri de, kúzetshileri de shyqpaǵan.

Al Shalqar aýdanynyń basshylyǵy bul jaǵdaı týraly bilmeıtin bolyp shyqty. Al ákimdik ǵımaraty aldynyń tas-talqanyn shyǵarǵanyn kóre tura shyqpaǵan qyzmetkerler men kúzetshiler, esesine keltirilgen shyǵyndy 80 myń teńge dep sanap qoıypty.