«Sybaǵa» – aýylsharýashylyq taýarlaryn óndirýshiler úshin eń qoljetimdi nesıelendirý baǵdarlamasynyń biri. Sondaı-aq, bul osy baǵytta óz bıznesin ashýǵa nıettengen, biraq, mal sharýashylyǵy salasy jumysynda tájirıbesi joqtar úshin tıimdi. Buǵan qosymsha, nesıelendirý jaǵdaıyn jasaý kezinde jekemenshik bıznestiń múddesi men múmkindigi esepke alyndy. Syıaqynyń paıyzdyq deńgeıi de tómen. Iaǵnı, 14 paıyzdyń jartysyn memleket sýbsıdıalaıdy. Onyń ústine, qaryz toltyrý jumysy men jeńildik merzimin kepildikpen qamtamasyz etý talaby da qysqartylǵan. Buǵan qosa óte qarapaıym tilde barlyq mán-jaı túsindiriledi. Sozaq aýdanynyń turǵyny retinde halyq arasynda baǵdarlamany nasıhattaý jumysy da qolǵa alynǵanyn aıta ketý kerek.
Taýarlyq tabynnyń tuqymdyq sapasyn jaqsartýdy kózdeıtin baǵdarlamaǵa Sozaq aýdanynda aıryqsha qyzyǵýshylyq baıqalady. Máselen, bıylǵy jyly aýdanda 5 sharýashylyq baǵdarlamaǵa qatyssa, eki sharýashylyq 53 mıllıon 250 myń teńge nesıeni resimdedi.
Maǵan aýdandyq aýyl sharýashylyǵy bóliminiń qyzmetkerleri tıisti qujattardy daıyndaýyma kómektesti. Baǵdarlamanyń árbir tarmaǵyn jete túsindirdi. Aýyl turǵyndarynyń kóbi nesıe alýǵa júreksinedi. Qıynshylyqtan qashpaıtyn adamdarǵa memleket sýbsıdıalaý arqyly qoldaý kórsetip, jan-jaqty kómektesetini qandaı ǵanıbet. Memlekettiń qoldaýynsyz mal basyn kóbeıte almas edik. Bul úlken eńbek. «Sybaǵa» aýyl adamdaryn úlken isterge jigerlendiredi.
Almas Asanov, Sozaq aýdanynyń turǵyny
