Almatydaǵy Bostandyq aýdanynda qardy ýaqytynda tazalamaǵan 300 adamǵa aıyppul salyndy, dep habarlaıdy QazAqparat Qalalyq İİD baspasóz qyzmetine silteme jasap.
Bostandyq aýdany İİB jergilikti polısıa bóliminiń tabıǵatty qorǵaý polısıasy 20-25 qarasha kúnderi «Taza qala» jedel-aldyn alý sharalary aıasynda júrgizilgen reıdik tekserýlerin qorytyndylady. Quqyq buzýshylarǵa QR ÁQBK 505-baby - «Qalany abattandyrý erejelerin buzý» boıynsha hattama toltyryldy, al keıbirine atalǵan baptyń ekishi bóligi boıynsha hattama jasaldy, ıaǵnı olar bir jylda ekinshi ret ákimshilik quqyq buzýshylyqqa jol berip otyr. «Reıdik tekserý kezinde shaǵyn kásipkerlik nemese komersıalyq emes uıym sýbektilerine 28 hattama, jeke tulǵalarǵa 245 hattama toltyryldy. Sondaı-aq, azamattarǵa eskertýler berildi. Joǵaryda kórsetilgen baptyń sanksıasyna sáıkes, jeke tulǵalarǵa salynǵan aıyppul kólemi - 20 AEK, shaǵyn kásipkerlik nemese komersıalyq emes uıym sýbektilerine - 30 AEK», - dedi Bostandyq aýdany İİB jergilikti polısıa bóliminiń basshysy, polısıa polkovnıgi Aıtjan Álmuhanbetov.
