Ákimder taǵy da synǵa ushyrady. Búgin "Astanada ótip jatqan  ÚIIDMB iske asyrýǵa arnalǵan ındýstrıalyq forýmda QR Prezıdenti Nursultan Nazarbaev qazaqstandyq qamtý boıynsha tıisti jumystardy atqarmaı otyrǵan ákimder men vedomstvolardy synǵa aldy"- dep habarlaıdy  «Qazaqparat» agenttigi.

 Elbasy qazaqstandyq qamtý boıynsha  «Teńizshevroıl» kompanıasynda kórsetkish 4 paıyzdan astam, Qashaǵan jobasynda 2 paıyz, «Aqtóbemunaıgaz» kompanıasynda 1,4 paıyz, «Qazhrom» kompanıasynda 3,8 paıyz deńgeıinde ekendigin atap kórsete otyryp, jergilikti basqarý oryndarynyń qyzmetterine synı kózqaras tanytty.

«Biz qazaqstandyq qamtýǵa belsendi kirisken bolatynbyz. Alaıda, ótken jyly memlekettik organdarda ónimdi satyp alý kólemi 5 paıyzǵa tómendedi. Iaǵnı, ósim bolǵan joq», - dedi Elbasy.

«Men osy kompanıalarmen atalǵan másele turǵysynda jumys istemeı otyrǵan ákimderdi nazarǵa alǵym keledi. Sonymen qatar tıisti jumystardy atqarýy tıis mınıstrlikter de kóńil bólýi qajet», - dep atap ótti N. Nazarbaev.

Atalmysh kompanıalardyń Qazaqstan aýmaǵynda bolǵandyqtan onyń basshylary qazaqstandyq qamtý boıynsha el zańnamasynyń talaptaryn oryndaýǵa mindetti ekendigin eske saldy.

«Bul ahýal sheshimdi túzetýlerdi qajet etedi. Úkimet osy jaǵdaıdy túzetýi tıis. Otandyq taýarlardy satyp alýda ken oryndaryn paıdalanýshylardy yntalandyrý úshin kerek bolsa normatıvtik bazaǵa sáıkes ózgeristerdi engizý qajet. Bul másele turǵysynda qajettilik etse zańnamany da qarastyratyn bolamyz», - dep túıindedi Memleket basshysy.