–Ol ne úshin kerek?
–Ata zańymyz boıynsha bizde «Qos azamattyq» degen bolmaıdy. Sonyń kesirinen qandastarymyz azamattyq alý úshin ózderi turǵan eldiń azamattyǵynan shyǵýy kerek.
–Sodan...
–Mysaly, Qytaı azamaty bolyp sanalatyn kez kelgen adam shetel azamattyǵyn alǵan soń ǵana Qytaı azamattyǵynan shyǵarylady. Al biz basqa eldiń qujatyn kóterip júrgen adamǵa azamattyq bere almaımyz.
–Onda Qytaıdan keletin qandastarymyzdy burynnan kele jatqan qaǵıda boıynsha «Qytaı Prezıdentiniń atyna azamattyqtan bas tartatyny týraly» hat jazdyryp, sodan soń qujattaryn qabyldaı berý kerek shyǵar. Qolyna «Qazaqstan Respýblıkasynyń azamaty» degen anyqtama berilgen soń olar ózderi-aq Qytaı azamattyǵyn resmı túrde joıa alady emes pe?
–Eger ol ózi turǵan eldiń azamattyǵynan bas tartsa aılyǵynan, zeınetaqysynan qaǵylady.
–Bul aıtqanyńyzdyń qısyny bar shyǵar. Degenmen, bizdiń bilýimizshe, Qytaı memleketinde sońǵy kezderi qabyldanǵan tıisti zań tarmaqtary boıynsha bulaı bolmaıdy. Iaǵnı Qytaı azamaty qaı eldiń qujatyn qolyna ustasada, buryn Qytaıda turǵan azamat retinde kóptegen múmkindikterge qol jetkize alady. Onyń ishinde jeke múlki jáne siz aıtqan jalaqy men zeınetaqy da bar kórinedi.
–Qalaı desekte «Qos azamattyq» degendi júzege asyrý kerek dep oılaımyn...
Áńgime osylaı aıaqtaldy. Máskeýmen tyǵyz jumys jasaıtynyn, Qazaqstanǵa kelip, zańgerlik kómek kútken kez kelgen sheteldik azamatqa barynsha kómek kórsetip otyrǵanyn aıtqan aǵamyz «Qos azamattyq» degendi mindetti túrde zańǵa engizý úshin «kúsh salatynyn» jetkizdi.
Soǵan qaraǵnada keıingi ýaqyttarda jıi bolmasada, anda-sanda bir kóterilip qalatyn «Qazaqstandaǵy qos azamattyq» jaıy tegin emes sıaqty. Tipti «Qazaq kóshi» men «Oralman» máselesin osy qıturqylyqqa paıdalanyp kete me degen kúdik bar. Qazirge Ata zańymyz mundaı «paıdaly usynysqa» jol bere qoımas. Degenmen qajet kezinde túzetýler engize salatyn ádetimiz bar emes pe?
Haziret Ábdilda
