İshki ister mınıstri Qalmuhanbet Qasymovtyń aıtýyna qaraǵanda, saýsaq tańbasy pasport, tólqujat rásimdeý kezinde alynady. 12-16 jas aralyǵyndaǵy balalar qujat alatyn kezde daktıloskopıalyq tirkeýden ata-anasynyń ruqsatymen ǵana ótedi. Qasymov daktıloskopıalyq tirkeýden Qazaqstanǵa kirýge vıza alatyn sheteldikter, onyń ishinde zań buzyp, elden shyǵarylatyndar da ótetinin aıtty. Saýsaq tańbasy sonymen qatar bosqyndardan, eńbek mıgranttary men Qazaqstanda turýǵa ruqsaty bar sheteldikten de alynady. Mınıstr daktıloskopıalyq jáne genomdyq málimetter ishki ister mınıstrliginiń málimetter bazasynda elektrondyq túrde saqtalady.
Buǵan deıin ishki ister mınıstriniń orynbasary Rashıd Jaqypov zań jobasynda azamattar daktıloskopıalyq tirkeýden ótýden bas tartqan jaǵdaıda aıyppul salý qarastyrylǵanyn aıtqan. Al daktıloskopıadan bas tartqan sheteldikter deportasıalanbaq. Daktıloskopıadan bas tartqan qazaqstandyqtar jeke basyn kýálandyratyn qujat ala almaıdy.
Zań jobasyn 2018 jyldan bastap iske asyrý úshin 36,8 mıllıard teńge (100 mıllıon dollardan astam) qajet eken.
