Ánshi Sia Mońǵolıadan búrkitshi qazaq qyzy Aısholpan Nurǵaıyp týraly fılmge sýndtrek bolyp tabylatyn «Angel by the Wings» atty jańa ánin jazdy. Jaz jáne pop stılindegi oryndaýshy avstralıalyq Sıa Ferler rejıser Otto Belldiń «The Eagle Huntres» derekti fılmine ballada-saýnd tregin oryndady. Bul týraly QazAqparat jazdy.

Fılm ata-baba dástúrin jalǵastyrǵan búrkitshilik ónerdi meńgergen qazaq qyzy Aısholpan Nurǵaıyp jaıly. Bul negizinen erlerge tán kásip. Álemde bul ónermen tek 2 názik jandy ǵana shuǵyldanady eken. Olardyń ekeýi de - qazaq. Ekinshisi Qazaqstanda turatyn búrkitshi Maqpal Ábdirazaqova. Búrkitshi qyz týraly derekti fılm 28 qazannan bastap Nú-Iork pen Los-Andjeles kınoteatrlarynda kórsetilip jatqanyn atap ótken jón.

Sıa sońǵy jyldardaǵy erekshe kózge túsken ánshilerdiń biri. Ol jurtshylyqty jumbaqtyǵymen tań qaldyryp júr. Ol júzin jasyrý úshin qara-aq tústi parık kıedi. Otto Bell Ulybrıtanıa rejıseri, alaıda Nú-Iorkte jumys isteıdi. Ol 15-ke jýyq qysqa metrajdy fılm túsirgen. Aısholpan Nurǵaıyp ákesi, anasymen birge 6000 mıldi eńserip, Mońǵolıadan AQSH-qa, Park-Sıtıge keldi. Búginde IýNESKO-nyń materıaldyq emes murasynyń kórneki tizimine materıaldyq emes mádenı murany qorǵaý komıtetiniń sheshimine sáıkes ańǵa qus salý, qazaq kúresi jáne t.b. engen. Adelaıdanyń 40 jastaǵy týmasynyń alǵashqy álbomy 1997 jyly shyqqan. Alaıda Sıa Ferler 2008 jyly ǵana tanyldy. Onyń jeti álbomy bar. Kóp oryndalatyndary - Titanium, Elastic Heart jáne Chandelier.