Keshe maǵan Almaty qalasynyń Almaly aýdandyq sotynan shaqyrtý keldi. Meni sotqa bergender: SSSR-di kókseýshiler, Evrazıa Odaǵyn qoldaýshylar, Pýtınoıdtar, ıakı burynǵy komýnıser, qazirgi bir úlken partıanyń músheleri hám olardyń úrim-butaqtary. Olardyń talaby: Germanıa quramasyna jankúıer bolýym. Reseıdiń jeńilýine sep bolǵan Belgıa, O. Koreıa men Aljırge jaqtasýym.
Árqaısysy mıllıon teńgeden talap etip otyr. Meni mıllıarder dep oılasa kerek. Sóıtip, mıllıoner bola salmaqshy olar.
Sotqa barmas buryn Abaıdyń "Masǵut" dastanyn oqydym. Paıdasy tıdi. Jyndylar meni nemese men olardy túsiný úshin jyndy qylatyn sýdy simirip saldym. Advokattyqqa Taıchıbekov degen bireýdi jaldap aldym.
Sot barysynda "Pýtın Gıtler emes, Pýtın naǵyz Stalın! Qazaqtardy taǵy da qyrý kerek! Kókemiz aman bolsyn! Qazaqstan Reseıdiń ońtústik gýbernıasy!" dep aıǵaı saldym. "Jazdym, jańyldym! Men beıbaqty keshirińizder, osydan bylaı qazaqshany umytyp, tek oryssha sóıleıtin bolamyn" degendi taǵy qostym.
Sýdıa jymyń etti de, osy ýaqytqa deıin eshqandaı qoǵamdyq tártipti buzbaǵanymdy, ákimshilik jaýapqa tartylmaǵanymdy eskere otyryp, aqtap shyǵardy. Syrtqa shyqtym da, esik aldynda plakat ustap turǵan, sarjaǵal kıingen qasotandyqtarǵa qaratyp, "Spası Bog, spasıbo Gospodı!" dedim de, "Lada Kalınama" otyryp, úıge qaraı tarttym. Aınadan qarasam, sýdıa "Mersedesine" minip jatyr eken.
"Gooool" degennen selk etip oıandym. Germanıa qosymsha mınýtta gol salypty. Qysqasy, 2:1 esebimen Aljırdi jeńdik. Jeńiske masattanǵan men beıbaq túsime kirgen sýdıaǵa "Hýtın pýılo!" deppin. Qazir sol... otyrmyn óń men tústi ajyrata almaı.
(Aıdos Juqanulynyń feısbýktegi paraqshasynan)
