2009 jyldan beri Sheshenstanda spırttik ishimdikterdi tańǵy saǵat 8-den 10-ǵa deıin satýǵa ruqsat buıyryq bergen Sheshenstan basshysy Ramzan Qadyrov, ishimdikke qatysty taǵy bir buıyryq shyǵardy. Qadyrov din qyzmetkerlerine mas kúıinde kólik júrgizip, jol apatynan qaza tapqan júrgizýshilerdi dinı rásimmen jerleýge tyıym saldy, dep habarlaıdy Ortalyq Azıanyń jańalyqtar qyzmeti.

"Eger mas júrgizýshi jol apatynan qaza taýyp jáne ózge adamnyń ólimine sebep bolsa, onyń jerleý rásimine dinı qyzmetkerler qatyspaýy tıis. Qoǵam ol adamnyń qylmys jasaǵanyn túsiný kerek. Ol terorıstik akti jasady", – dep málimdedi Qadyrov.

Qadyrov sonymen birge elge alkogól satýǵa tyıym salmaǵanyn atap ótti. "Biz alkogóldi ishimdikterge tyıym sala almaımyz, óıtkeni zań boıynsha bizdiń quqyǵymyz joq", – deıdi Sheshenstan basshysy.

30 qarashada málim bolǵandaı, aımaqta alkogól satýǵa lısenzıasy bar kásipkerler Sheshenstan parlamentiniń spıkeri Magomed Daýdovpen kezdesýden keıin, óz erikterimen lısenzıalarynan bas tartqan. Onyń sózderinshe, kásipkerler óz erikterimen qyzmetterinen bas tartqan.

Daýdovpen jınalys mas kúıinde kólik júrgizgen Alam Hodjaevtyń jol apatyna ushyrap, jeti adamnyń qazasyna sebep bolǵannan keıin ótkizgen. 

Ramazan jáne Oraza aıt kúnderi alkogóldi ishimdikterdi satýǵa tyıym salady.