Tanymal ánshi Búrkit «Habar» arnasynyń «kompromat» baǵdarlamasynda qonaqta bolyp, aǵynan jaryldy, dep habarlaıdy «Qamshy» portaly.

Ol suhbat barysynda saıasatqa qyzyqpaıtynyn, aralasý oıynda joq ekenin, degenmen, elimizde bolyp jatqan kóptegen jaǵdaıǵa el azamaty retinde kóńili tolmaıtynyn aıtty.

Sondaı-aq, óziniń symbatty ekenin jáne músininiń óte jaqsy ekenin moıyndaǵan Búrkitke jýrnalıser onyń qyzdarǵa degen kózqarasy jaıynda suraq qoıdy.

«Toqal alý máselesine qalaı qaraısyz?», - degen tótesinen qoıylǵan suraqqa Búrkit oǵan qarsy ekenin aıtty.

«Meniń oıymsha adamǵa bir áıel jetkilikti. Men áıelimniń kózine shóp salmaımyn. Ondaı áreketke barsam, eki balamnyń kózine qalaı qaraımyn. Oǵan ýaqytym da joq. «Qazaq baıysa qatyn alady» degen. Ondaıdy túsinbeımin», - dedi ol.

«Jasyrmaımyn, jas kezimde qyzdarmen kóp júrdim. Jaqsy bardym desem de bolady. Biraq, onyń barlyǵy boıdaqqa jarasady», - deıdi Búrkit.