«Otandyq buqaralyq aqparat quraldarynyń básekelestigi jáne damýy máseleleri týraly» ótken Májilistegi Úkimet saǵatynda depýtat Bekbolat Tileýxan telearnada saýatty sóıleı almaıtyn jýrnalıserdi synǵa aldy, dep habarlaıdy Vaq.kz

«Eldiń ózi elıtalyq qaýym dep atap júrgen, bilim men ǵylymǵa jaqyn jýrnalıserdiń tiline kóńili tola bermeıdi. Kóptegen sebepteri bar. Qazaq tilindegi ekpinder durys qoıylmaıdy, kózsiz elikteý kóp. Orfoepıa men orfografıany ajyrata almaıtyndar qalaı jazylsa, solaı oqıdy» , - deıdi Bekbolat Tileýxan.

Depýtat sonymen qatar otandyq tele-radıodaǵy qazaq tiliniń úlesine kóńili tolmaıtynyn jetkizdi.

«Memlekettik tildiń jaǵdaıy áli de máz emes. «Aıta-aıta qasqyrdan da uıat boldy» degendeı, osy másele ábden jaýyr boldy. Halyq kóretin praım-taım ýaqyttarda túrik, káris, úndi serıaldary kórsetiledi. Al radıony mýzykalyq baǵdarlamalar jaýlap alǵan. Mysaly, Fransıada amerıkalyq ónimderdi telearnalarda, kınoparkterde kórsetýge kvota berilgen. Bizge de osyndaı bir talap qajet shyǵar», - deıdi Májilis depýtaty.