2016 jyldyń 3 jeltoqsan kúni «Laıyqty urpaq tárbıeleıik» atty jobasynyń aıasynda oblys prokýratýrasynyń bastamasymen jáne qoldaýymen QR Tuńǵysh prezıdenti jáne Táýelsizdiktiń 25 jyldyǵyna oraı Qazaqstanda birinshi ret «Street workout» respýblıkalyq oıyndary ótkizildi.

Oıyn barysynda elimizdiń aımaqtaryndaǵy kóshe jattyǵýlaryn jasaıtyn úzdikter bir alańda bas qosty. Alańda ózara Shymkent, Almaty, Taldyqorǵan, Taraz, Oral jáne Kókshetaýdan kelgen quramalar saıysqa tústi.

Oıyndar oblystaǵy jastar saıasaty máseleleri jónindegi basqarmasy men vorkaýt qozǵalysynyń uıymdastyrylýymen ótkizildi.

Saıysqa qatysýshylar ár túrli kúsh jattyǵýlaryn jasaýdan jarysyp, ózderiniń quramasynyń beriktigin jáne fızıkalyq kúsh-qýattaryn kórsete bildi.

Saıystyń qonaǵy ári tóreshisi retinde osy sporttyń qalaýshysy, «Shkola - Týrnıka» úıretýshi beınerolıgin jasaǵan – Mıhaıl Baratov shaqyrylǵan.

Jalpy quramalyq eseppen saıystyń jeńisine Shymkent qalasynyń «13 legıon» quramasy jetti.

Jarys barysynda sheber jáne jas sportshylardyń kórsetkish ónerleri tamashalanyp, bul sport túrimen shuǵyldanýǵa nıet bildirgenderge kúsh – qýatyn kórsetýge múmkindik berildi.      

Atalǵan is-shara bul sport túrin jan-jaqty kórsetý jáne jastar arasyndaǵy salaýatty ómir saltyn qalyptastyrýǵa baǵyttalǵan bolatyn. Jarysqa kórermen jáne jankúıerler retinde qalanyń mektep, kolej oqýshylary, ınternat tárbıelenýshileri, «Jasulan» áskerı mektebiniń kadetteri shaqyryldy.