Ǵylymı-fantastıkalyq janrdaǵy Matrıks kınosyndaǵydaı  mıyńyzdy bilimmen «qorektendirý» aldaǵy ýaqytta uıyqtaýǵa jiberilgen kúsh sekildi ǵana bolýy múmkin.

   Zertteýshiler mıǵa aqparatty tikeleı jiberetin qurylǵyny oılap taptyq dep tujyrymdap otyr. Ol az ýaqyttyń ishinde jańa mashyqtarǵa úırenýge múmkindik beredi. Olar Matrix-stılindegi tez oqytýdy shyndyqqa aınaldyrý – zamanaýı baǵdarlamalyq jasaqtamany óńdeýde birinshi qadam bolmaq.

   Neo-nýar ǵylymı-fantastıkalyq klasıkada mıyna urys óneri «júktelgen» Neo qaharman sanaýly sekýndtardan soń, kýng-fýdy úırenip alady.

   «Oqytýdy tezdetýdiń jolyn oılap taptyq, biraq gollıvýdtyq fılmnen kórgenderińizden áldeqaıda az masshtabta», – deıdi Kalıfornıadaǵy HRL laboratorıasynyń zertteýshileri.

   Olar úırenýshi ushqyshtyń mıyna beriletin elektr sıgnalyn zerttep kórdi. Sosyn onyń shyn ómirde qalaı ushaqty ıgergeni týraly málimetti kórsetip beredi.

 «Bul – osy baǵyttaǵy birinshi júıe, mıdyń stımýlásıasy» dep túsindiredi doktor Metú Fıllıps. – «Bul ǵylymı-fantastıkalyq bolyp estilgenimen, bizdiń júıeni damytýǵa úlken ǵylymı negiz bar. Tanymdyq jáne qozǵalǵysh qyzmettegi sınergıany qajet etetin ushaqty basqarýdy qarastyrý – negizgi maqsat. Siz jańadan bir nárse úırenseńiz, mıyńyz fızıkalyq turǵyda ózgeriske ushyraıdy. Proseste baılanys jasaý men nyǵaıtý neıro-plastıka dep atalady. Mıdyń sóıleý men jady sıaqty keıbir fýnksıalary mıdyń aıryqsha jerinde ornalasqan».

Doktor Metúz mıdyń stımýlásıasy aldaǵy ýaqytta kólik aıdaý, emtıhanǵa daıyndalý, til úırený sıaqty tapsyrmalarǵa deıin jetiledi dep sanaıdy.

«Bizdiń júıemizdiń jasap jatqany mıdyń birqatar aımaqtaryn ózgertýge baǵyttalǵan» dep sózin jalǵastyrdy. – Negizi bul – óte eski ádis. Ejelgi mysyrlyqtar 4000 jyl buryn elektrli balyqty stımýlásıa jasaý arqyly aýrýdy basýǵa qoldanǵan.  

Aýdarǵan Maral Shaıhy