Qazaqtyń talantty da tekti jaratylǵan pendesi Igilik Áımen (Igen) – jazýshy, aqyn, synshy, kósemsózshi, pálsapashy aýyr halde júr degen aqparat ǵalamtor betin sharlap júr. Negizi bir jyl buryn abai.kz portalynyń facebook paraqshasy mynandaı aqparatpen bólisken edi:" Bir Qudaı «aýyr» qyla kórmesin ǵoı – al, anyǵynda, Igilik Áımen kóshe kezip júr. Jatatyn jaıy, iship-jeıtin asy joq esebi. Ózi, 2-inshi toptaǵy múgedektikte. Jasy bolsa, 63-ke taqady. «Taǵdyr táleıi» deımiz ǵoı, degen de, «gúldengen Qazaqstanymyzda» bir aqyn-jazýshymyz – «tik júrip, týra sóılep kele jatqan» – osynshalyq qorlyqty basynan ótkerip júrgende: qaısymyzdyń jerimiz keńeıip, qaltamyz qampıa qalar eken?.. Kómek qolyn sozyp, qaıyrymdylyǵymyzdy – musylmandyǵymyzdy bildirelik!..Jazýshylar Odaǵynyń «Astana» bólimshesi. 27 jeltoqsan, 2015 jyl".

Torǵaılyq belsendi Dáýlet Serikbaı bir kún buryn óziniń facebook paraqshasynda bylaı dep jazdy:

"Qazaqtyń daryndy jazýshysy, kósemsózshisi, ádebıet synshysy Igilik (Igen) Áımenniń jaǵdaıy qıyn eken. Áıeli 7 jyl buryn qaıtys bolǵan. Sodan beri jalǵyz ózi Astanadaǵy Kóktaldan páter jaldap turyp jatyr eken. 2-shi toptaǵy múgedek. Azǵantaı zeınetaqysy páteri men emine ázer jetedi, keıde aptalap qara nandy ǵana talǵajaý etetin kúnderi bolady. Qalanyń aýrýhanalary esiginen qaratpaıdy eken. Kóktaldaǵy ambýlatorıanyń meıirimdi basshysynyń arqasynda ǵana em alyp júr. Talaı jazýshylardan kómek suraǵan, biraq biren-sarany bolmasa, kóbisi kómektespek turmaq halin suraýǵa jaramaǵan. 3ıaly degen attary bolmasa súringendi mysqyldap talaýǵa daıyn, halyqtan kóri qara basyn oılaıtyn zıandy jazýshylardan ne qaıyr bar deısiz. Bar aldanyshy ultyq akademıalyq kitaphanaǵa baryp kitap oqý. Qansha qıyndyq kórse de rýhy synbaǵan, ulttyń máselesin keıbir jazýshylardan artyq kóterip júr, ózi múgedek bolsa da eldiń qamyn oılaıdy. Jazýshylardan úmit úzgen aǵamyz halyqtan kómek suraıdy. Múmkin az-maz aqshalaı kómektesersiz, múmkin baryp jaǵdaıyn surarsyz. Paıǵambar jasynan asqan jazýshynyń osyndaı kúıde júrgeni eldigimizge syn ǵoı.
Habarlasamyn deseńiz Igilik aǵamyzdyń telefon nómiri - 8775 396 1634".

"Qamshy" portaly óz oqyrmandaryn, ásirese, Astanalyqtardy atalmysh jaǵdaıǵa beıjaı qaramaýǵa, Táýelsizdik kúni qarsańynda qarymdy qalamgerge kómektesýlerin suraıdy.