Tanymal túrik ánshisi Býraı qazaq qyzdarynan toqal alǵysy keletinin aıtty,  dep habarlaıdy NUR.KZ. saıty.

"Almatyǵa kele sala kózim túskeni - qazaq qyzdarynyń sulýlyǵy. Buryn da dostarym qazaqtyń qyzdary óte ádemi dep jıi aıtatyn. Osy joly soǵan kózim jetti", - deıdi ánshi.

"Negizi meniń bala-shaǵam, súıgen jarym bar. Biraq, qazaq qyzdaryna ǵashyq bolǵanym sonsha, olardyń birin toqal etip alsam degen aram oı da keldi.

Sizderde tórt áıelge deıin alýǵa bolady eken. Men de qazaq qyzyn toqal retinde Túrkıaǵa alyp ketsem, arman joq qoı, shirkin", - degen ol kóksegenin aıtyp saldy.

Jýyrda ol Almatynyń tórinde dúrkirep ótken "Jyldyń úzdik áni" án baıqaýyna kelgen edi. Tóreǵalı jáne Qaıratpen dýet aıtqan bolatyn. Bul tusta túrik ánshisi qazaq qyzdaryna degen kózqarasy erekshe ekenin bildirip qoıdy.

Almatyǵa alǵash ret aıaq basyp otyrǵan túrik ánshisi qazaq qyzdarynyń sulýlyǵyna tánti bolǵanyn jasyrmady.

Ol "Istersen" ánimen úlken tanymaldylyqqa ıe bolǵan. Osy áni hıtqa aınalyp dúnıejúzi chattaryna endi. Esimi mýzyka áleminde 2004 jyldan beri belgili bolǵanymen, ol ándi keıin aıta bastaǵan. Alǵashynda Túrik pop-mýzykanttardyӊ ánderine aranjırovka jasaýmen aınalysqan Býraı, qazir án aıtyp mıllıondaǵan óleӊ súıer qaýymnyӊ júregin jaýlady.