19 jeltoqsanda saılaýshylardyń bir bóligi basqa úmitkerge daýys beredi. Bir aı buryn mıllıarder Donald Tramp AQSH prezıdenttik saılaýda jeńiske jetken. Desek te, muhıttyń arǵy jaǵyndaǵy elektoraldyq daýys berý júıesi eki sanatta ótetinin eskerý kerek. Eń aldymen 8 qarashada qarapaıym amerıkandyqtar búlletenderde tańdaǵan úmitkerdi belgileıdi. 40 kúnnen keıin ár shtatta saılaýshylar alqasy jınalyp, óz aımaqtarynda jeńiske jetken úmitkerge daýys beredi. Teorıa boıynsha osylaı. Tramp 50 shtattyń 30-da qarsylasynan basym túsken. 19 jeltoqsanda kútpegen jaǵdaılar oryn alýy yqtımal. Bul kúni saılaýshylardyń jarty bóligi basqa úmitkerge daýys berýi ábden múmkin.
Dúısenbi kúni New York Times gazetinde jarıalanǵan ashyq hatta Tehas saılaýshysy Krıstofer Sýprýn magnatqa daýys bermeıtinin málimdedi. «Tramp ultty biriktirýdiń ornyna, janjaldy órshitip otyr» dep jazǵan. Bul «kovboılyq shtattan» óz sheshimin ózgertken ekinshi adam. Budan buryn onyń áriptesi Art Sısneros osyǵan uqsas sheshimin málimdegen.
AQSH boıynsha «KP» sarapshysy, RF Úkimetiniń janyndaǵy Qarjy ýnıversıtetiniń dosenti Gevorg Mırzaıan Trampty Tehasta kóbi jaqtyrmaıdy degen bolatyn. Jetekshi partıalardyń ýákilderin aldyn-ala tańdaý barysynda bul shtat óz senatorlary Ted Krýzdy qoldaǵan (İshki partıalyq saılaýda Tramp ozdy). Zań boıynsha saılaýshy turatyn shtaty tańdaǵan úmitkerge daýys berýge mindetti emes. Basqa úmitkerdi tańdaǵan jaǵdaıda qarjy tóleıdi.
Saıasattanýshy-amerıkanıst Vıktor Olevıchtiń aıtýynsha AQSH tarıhynda saılaýshylardyń tańdaýyna179 saılaýshy qarsy shyqqan. «1836 jyly vıse-prezıdent saılaýyndaǵy qorytyndy, halyqtyń sheshimin ózgertti. Ol kezde tipti buryńǵy prezıdent ornynda qalǵan. Qazir Trampqa 300-den sál asatyn saılaýshylar daýys bermek. Al onyń basty qarsylasy Klıntonǵa - 232. 19 jeltoqsanǵa deıin halyqtyń sheshimin ózgertip jiberetindeı, ózgerister bolady dep oılamaımyn. Bul – AQSH-tyń saıası dástúrine de qaıshy».
Donald Tramp óz prezıdenttiginiń alǵashqy 100 kúngi baǵdarlamasyn beıne úndeý arqyly aıtyp berdi. Eń basty urany ádettegideı Amerıkaǵa buryńǵy qalpyn qaıtarý boldy.
www.kp.ru saıtynan aýdarǵan Ásem Álmuhanbet
