Dopıng daýyna ilikken sportshylar elimizdi álem aldynda taǵy bir masqaralady. Sebebi, Qazaqstan ruqsat etilmegen dárilerdi eń kóp qoldanatyn memleketterdiń dúnıe júzi boıynsha qara tiziminde ekinshi orynda tur  dep habarlady seykhuninfo.kz.

Amerıkalyq "Fox Sport» telearnasy jasaǵan kesteniń basynda Reseı tur. Teriskeıdegi kórshiler dopıng daýynan keıin birden 19 olımpıada medalin keri qaıtaryp bergen. Al odan keıingi orynǵa 9 júldesinen aıyrylǵan Qazaqstan ornalasypty. Tizimdi ary qaraı Belarýs, Ýkraına, Armenıa jalǵastyrady. Telearna málimetinshe dopıngti eń kóp qoldanatyn sportshylar qataryna ziltemirshiler, jeńil atletter men balýandar jatady eken. Máselen, bıyldyń ózinde Ilá Ilın bastaǵan bir top aýyr atletter men ózge de sportshylarymyz Beıjiń men Londonda jeńip alǵan medaldaryn qaıtaryp berýi tıis degen sheshim qabyldandy.