Aqtóbe oblysy qylmystyq ister jóninde mamandandyrylǵan aýdanaralyq sot sýdıasy Ahmetqalı Moldaǵalıev Aqtóbede 5-shi maýsymda bolǵan terakt týraly buryn aıtylmaǵan derekterdi málimdedi dep jazady www.nur.kz.

"Negizgi tulǵa Aqtóbe qalasynyń turǵyny Dmıtrıı Tańatarov bolǵan. Shamamen 2009 jyldan bastap Tańatarov radıkaldy dinı aǵym salafı-djıhadı jolyna túsken. Tańatarov pen onyń sybaılastary Sırıa aýmaǵyna baryp, terrorlyq áreketterge qatysa almaǵan kezde, sheteldik salafı-djıhadı ustanýshysynyń ýaǵyzyn tyńdap, Tańatarov pen sybaılastary Aqtóbe qalasynda terakti jasaý arqyly josparlaryn júzege asyrýǵa bel býǵan", — dep atap ótti Moldaǵalıev.

Sýdıanyń bergen málimetinshe, Tańatarovty 25 adam qoldap, qarýly djıhad jasaýǵa shyǵyp, ony terrorlyq toptyń ámiri etip saılaǵan. Sodan keıin Moldaǵalıev bolǵan oqıǵalardy tiz qatar áńgimelep berdi.

Eske sala ketsek, 2016 jyly 5 maýsymda bir top adam eki qarý-jaraq dúkeni men Aqtóbe áskerı bólimshesine qarýly shabýyl jasady. Shabýyl nátıjesinde segiz adam qaza tapty, olardyń úsheýi áskerı qyzmetkerler bolatyn. Qarýly kúshter shabýyl jasaǵan 18 adamdy toqtatyp, toǵyz adamdy ustady. Aqtóbede terakti jasaǵandar "salafızm" dinı aǵymynyń ustanýshylary dep ataldy.

Terrorıstterge 28 qarasha kúni úkim shyǵaryldy: jeti sottalýshy ómir boıyna bas bostandyǵynan aıyryldy, taǵy ekeýi jazasyn 20 jáne 22 jyl boıy kolonıada óteıtin bolady.