Aıtpaqshy, búgin kún ystyq bolǵasyn azdap salqyndaýyma bir septigin tıgizip qalar degen úmitpen dúkennen balmuzdaq ala salǵam. Syrtyna da mán berip jatqam joq. Qolyma alyp, dalaǵa shyqqanda bir-aq kórdim. Senesizder me, jemeı jatyp-aq myna sýretti kórip denem muzdap sala bergeni. Joq, kózim esh aldamaǵan eken. Quddy, beınebir sonaý qylyshynan qan tamǵan KSRO qaıtyp tirilip kelgendeı anyq kúı keshtim(( Alla betin ári qylsyn árıne. Qudaı "saqtansań saqtarmyn" deıtin be edi, mynadaı usaq-túıek nárseniń artynda úlken ıdeologıalyq qural jatqan tárizdi menińshe. Ásirese, balmuzdaqty kóp satyp alatyn bozbalalar men boıjetkenderdiń sanasyn osylaı ýlap jatqany ókinishti jáıt! Mysaly siz myna balmuzdaqty Aspan asty elinen taba alasyz ba? Jooq! Óıtkeni, ol jaqtyń ıdeologıasy óte myqty deńgeıde. Shekaradan attatpaıdy da. Durys túsinińizder, biz taqyryp tappaı erikkennen aıtpaımyz, táýelsizdigimizge tónip kele jatqan osyndaı esersoq dúnıelerden qaýiptengendikten aıtamyz. Qazir bilem, osy sýretti kórip, barlyǵy derlik, "tursa tura bersin, odan ne qaýip" nemese "qaýiptenetin nárseni tapqan ekensiń, bul jáı ǵana balmuzdaqtyń syrty ǵana" derińiz aıdan anyq. Alaıda "keńestik dáýirdiń Qyzyl Týyn kórsem qazaqtyń tógilgen qyzyl qanyn kórgendeı bolamyn" dep eshkim aıtpaıdy. Mine, beıqamdylyq, mine nemquraılylyq.
Mańdaıymnan sýyq ter burq ete qaldy!
Rafhat Jumabaı
